Sweden an singning le an phunglam cheukhat

Kum he pehtlai in

Hngakchia hi 1-6 pawl hi mucu dagis ah an chiah i an mah sweden pawl nih cun man pek asi ko nain kan nih ralzam mi nih cun alak in asi. Hi ka hin tlawmpal langhter ka duh mi cu 1 in mucu an chiah tikah nu le pa caah tha dang tuk asi i, fa ngei ding zong hi ttih ding aum lo ti tluk in atha.

Kum 6 in  tangkhat kai hramthawh asi i  preshool ( förskoleklass). Kum 7-16 tiang kum 9 chung hi primary school ( grundskolan) an kai. Hngakchia zapi nih kai hrimhrim ding mi asi.Hi an sianginn kai mi hi man pek um lo in cozah nih kai ter mi asi. Cauk chuncaw le bus man pawl tiangin alak in  asi.

 Kum 15 in hi cu mawtawsiangke hna mawngkhawh asi cang. Thalonak an tuah tik zong ah danthanh khawh an si cang. Kum 16 ah hin mawttaw mawng cawng khawh asi cang.

Kum 16-19 hi tamdeuh cu secondary school gymnasieskolan an kai.

Kum 18 ah hin  nawl an ngei ve cang. Tachunnak ah mawttaw license, vote sahdah, kuak cawk khawh asi cang.Nu le pa sin ka um duh ti lo keimah tein ka um cang lai ti khawh zong asi cang. Kuak zuk duh zong ah zuk khawh asi cang.Kum 18 an tling hlan hi cu kuak an zuk khawh rih lo i zuk an duh ah cu athli tein kumtling cang mi kha an fial i an cawk ter hna. Polis nih thei sual ah cun azuk tu pa kha tlai lo in acawk piak tu pah kha tlai i dantanh ding asi.

 Lincens hi cu aman fah ngai i kan lai mi hman hi mawtaw mawng athiam cia mi hi kr 10000 hrawng an dih. Athiam lo mi caah cun 20000 hrawng adih lai ti asi. License man afah bantuk in Car accident zong aum tuk lo. Kum 19 ah hin tlangval nungak hna ralkap hna tuan khawh asi cang.Kum 20 ah hin zungdawr ah zuu cawk khawh asi cang. Kum  20-24 ah hin tam deuh cu mah tein an um cang. Pa nain nu hi hlan lio nain an tam deuh ti asi. Tam deuh hi cu aa tthi ummi hna an si. Nu 20% hi hlanlio deuh ah cun kum 24 in fa an ngei hna.

Nu hi kum 28 ah buaktlak in pakhatnak fa angei i pa hi kum 30 ah an ngei.  Kum 50 ah hin tamdeuh cu chuahni lawmhnak an tuah. A tuah lo mi hna cu poi tuah caan ah khan ram dang ah khua an tlawng hna.Tarnu hna hi cu an sam hi toi tein an nih meh hna. Kum 65 ah hin pension an lak. Kum 77 hrawng hi buaktlak in pa an nung khawh i kum 82 tiang hrawng hi nu an nung khawh hna ti asi.

Mileng an hmang tuk lo. Unau hman hi leng an duh ah cun phone chawn hmasa lawng ah an nih leng hna. An inn hi zan suimilam 9 ah cun amah tein tawh ahren. Zan9 i cung lei khi cu hnachiat tuk zong atha ti lo. Pawkam hna an tthih sual ah cun report tuah khawh asi. Caan ti mi hi an upat tuk. Minute 5 cung lei cu an hnung lo.

Khuacaan

Khua caan hi pali a um. 1.VinterKhuasik caan  2.Vår  khuasik alawh i thal 3.Sommar  thal  4. Höst  Sur hna an si.

 Khuasik  caan cu deceber i aa thawh i february tiang asi i kei cu december 10 nih in acung lei Finland pawng ah ka phan i, ka phan ka cu ka lung adong tuk. Nikhua achia peng i ni kan hmuh  bel theng lo. Nikhua tha caan te ah hin suimilam pakhat lawg ni alang kan hmuh khawh. Snow hi acung lei hi atam deuh i, atla lio hna ah cun vutcam thlalang ong in kan thlenh mi he khan ka lawh ter ngai. Akik mi nain thlihrang pah i snow tla                pah ah khin cu lam kal ahar tuk. Highway ti lo in  lamhme deuh i cu khoika dah lam um ti hman thei khawh asi lo i an rak phiah hnung lawg ah  tha tein kal khawh asi. Asi nain atla lio hna hin luchin lo zong kal khawh asi ko. Nikhat chung hna atla ah cun lamkal ahar ngai. Snow tla pah rua sur pa ah hin cu lam acin tuk i anal ngai caah thesen kha an phul hna.. Kiruna khuapi ah hin ice-hotel an ti mi aum i cu ka ah cun an ka kal pi i, athusan ngai. Itkhun hrai cabawi ti pawl azapi in zikheh lawng te an si dih. Akik mi degee hi -25,-30,-40hna aphan caan aum.

Vår cu khuasik alawh i thal ahung chuak mi khi asi i march,april och may asi snow adih lei khi asi cang i thlanglei Sweden ah cun adih cang. Nikhat hnung nikhat ah ni sau deuh kan hmuh hna. Lungtin zong kha aa phun dang cang. Thingkung zong kha hrindildel in an um cang hna. Thing kung bel te hi atam deuh i hmuh khawh mi hi cu phunthum lawng asi. Phunkhat cu far asi, phungkhat hi cu  x'mas thingkung an ti mi he khan alawh pa i catlap in an tuah mi kha asi ko. Pakhat cu ahna zong aum tuk lo mi asi.

Thal hi cu june,july le august asi i acung lei hi ni sau deuh kan hmuh khawh hna. Ni sau bik kan hmuh caan hi zan suimilawm 12 tiang ah hin nih kan hmuh khawh.  deilei 2,3 hrawng khi cu nika achuak than cang i. Amui bel lo i suimilam hna zoh lo in hin cun chun maw asi zan ti zong hi athlendan ahar ngai. Thingkung sawsawh kan ti ton mi hna zong kha an rak par ciamam hna i aram chung ah thigkung kan ti ton mi zong kha thal ah cun pangpar an si than i adawh khawh tuk thal ah cun.

 Höst sur hi cu september october och november asi i nikhat hnung nikhat nika kan hmuh atlawm than i rua tu cu asur tuk theng lo. Rua asur hman ah hin asur ngai ti aum lo. Lam an nih chawh tik zong ah hin an mah lawng cu an kal duh lo i uico an nih hrawi peng.

An dawh cemmi cu pakhatnak ah uico pahnihnak ah hngakchia asi. An nih cu ilengkai hi aum tuk lo caah lam an kal tik zong ah hin uico cu an hrawi peng. Nungak dawhdawh hna zong uico cu an hrawi i an nih chawh hna.

An ram ah riantuan ahar

Rian hi internet chung le tadinca cawngia hna ah zoh I rian sok asi. Cu tikah cathiam lo ah cun rian hmuh khawh ding hi afawi lo.  Riantuan khawh nak ding ah practical tuan hmasah ahau. Atlawmbik ah thla6 tuan asi. Practical kan tuan ah hin phaisa kan hmuh lo. Riantuannak zung nih  ahmahkhan  piak asi I anih tu hi thlakhat ah 4000 hrawng an hmuh.

Rian sok tikah hin kan konglam tial asi.  CV tiin an auh i cu ah cun kan konglam tling tein kan tial dih hna. Cu kum ah sianginn ka kai i cu kum ah rian ka tuan cu holh cuka thiam ti mi pawl kha tial asi. Atang bik ah references tial chih asi. Mah kha rian sok tikah an hal hna i mah pa/nu hi na sinah rian atuan bal maw arian tuan atha maw ti kha an hal asi. 

An ram ah hin rian ahar tuk caah cheukhat cu ram dang ah an tuan hna. Rian kan duh mi kan sok cio tikah rian pakhat zong ah mitampi nih kan sok hna tikah an duh deuh mi kha an thiam hna. Riantuannak zuung nih  thla 6 caah riankhan ti zong aum ko nain,  50% sianginn kai 50% riantuan ti asi. Rianthiam Boss te nih an duh ah cun riankhanh khawh asi ko. Riantuan ding in cohlan mi an si cang hnung ah ruahlo pi in an rian dih sual pakhatkhat asi sual ah cun riantuannak zung lei nih 80% in an pek hna.

Inn thial ahar

Inn thial ahar tuk.  Inn thial kan duh mi kha kan ttansi hna i kan ngah asi ah cun thlathum hnung ah thial khawh asi. Kan um nak inn zong kha cotting thlathum in chim cia ahau. Tachunnak ah January thla ahka ngah asi ah cun april ah thial angah.

Hngakchia vel angah lo

Hngakchia hi an vel ,an lung anfah ter, an tah ter asi ah cun  inn pa hna zong nih an thei sual asi ah cun report khawh asi. Nu le pa dantanh khawh asi. Hngakchia pawl kha an saya te nih nan nu le nan pa nih an vel asi ah cun phone nan chawn khawh ti in phone no an pek hna.  Atha tuk ko nain i kan nih lai mi cu kan fa le hi vel kan hmang pah lengmang I mi hmai zong ah vel sual afawi te.

You Might Also Like :