Aho dah na dawtbik

Aho dah na dawtbik timi biafang na hmuh ah hin nangmah le nangmah kha aho dah ka dawtbik timi kha I ruah ta hman. Na nungak/na tlangval maw na dawt bik a si lo ah na nu le na pa maw? Na unau  maw? Na hawi komh maw? Na inn le na lo maw? Na thilri maw? Na saya pa/nu maw? Na nupi/ na va pa maw? A tanglei na rel hlan ah hin ka dawtbikmi cu a ho asi ti kha ruah ta law na ruah dih hnung ah a tang lei hi rel ding a si lai. Atu cu ka dawtbik mi a ho a si ti kha na ruah khawh cang ko lai dah? Atang lei hi zoh ta uh si.

Voikhat cu khua khuakhat ah hin saya ci pakhat nih zuu arit bu in sianginn ah ara ti si. Sianghngakchia pawl cu tansi atuah ter hna i hi bia hi ahal hna ti asi.

Saya pa >>> Saya pa nih pakhat cu a auh i aho dah na dawtbik tiah ahal hna.

Sianghngakchia >>> Kei cu ka nu ka dawt bik ati. Na lih ati i fung in atuk.

Saya pa >>>Pakhat a auh than. Nang te aho dah an dawtbik ati?

Sianghngakchia >>> Kei cu ka pa ka dawtbik ati. Saya pa nih cu na lih ati i fung in atuk thiamthiam.

Saya pa >>>Pakhat a auh than. Nang te aho dah na dawtbik ati?

Sianghngakchia>>> Kei cu ka unau ka dawt bik ati. Saya pa nih na lih ati i afung in atuk thiamthiam.

Sianghngakchia pawl cu athinphang tuk cang saya pa nih bia hal ding kha an ttih tuk ti si.

Saya pa >>> Pakhat a auh than nangmah ta aho khi dah na dawtbik ti in ahal than I,

Sianghngakchia >>> Sianghngakchia pa te nih cun aa ruah I atu nai kha pakhat pa nih kapa ka dawt bik ati I fung in atuk. Pakhat pa zong nih ka nu ka dawt bik ati i atuk hoi. Ka unau ka ti ah le apakhat pa zong kha atuk thiamthiam cang. Cu caah saya pa nih hi amah dawt bik mi hi aduh ruah ati i, saya pa kei cu nangmah kan dawt bik ati.

Sayapa >>> Na lih na ka hlen. Ati i fak deuh in atuk ti si. Sianghngakchia pawl cu ather bak in an ther cang.

Sayapa>>> Pakhat cu ahal than i nang ta ho dah na dawt bik ati?

Sianghngakchia>>> Kei cu ka unau ka dawtbik ko e sayapa ati.

Sayapa>>> Asi lo na dawtbik mi cu na unau an si lo na lih ati i fung in atuk thiamthiam. Pakhat cu a auh i ahal than.

Sianghngakchia>>> Kei cu ka hawi lei  ka dawtbik ati.

Sayapa>>> Na lih ati i fungin cu atuk thiamthiam.

Sayapa cu athin ahung tuk cang. Nan dawt bik mi hi aho asi ti hi pakhat hman nih nan chim thiam lo maw. Sayapa cu zuu arih pa caah khan ahmai zong asen dih ve. Sianghngakchia pawl nih le an chim thiam ve lo tikah an thinphang tuk ve cang. Pakhat hman nih an phih khawh lo caah fungin tuk dih an si.

Atu nai nan chim mi nak in nan dawtdeuh mi a um. Adawt cu nan dawt ve ko lai nain, cu nain nan dawtdeuh mi le nan dawtbik mi cu nan mah le nanmah hi nan nih dawtbik ko a ti. 

Kan pumsa chung ah  pakhat te afahding hman hi kan duh lo.  Kan mah le kan mah kan nih dawt ruang ah asi.  Kanmah le kan mah kan nih dawtbiknak aruang hi achim ah cu atampi ko.

Hawidawt hna hi sayapa nih achim mi hi  ahman na ti ve maw?  Kan mah le kan mah hi kan nih dawtbik na ti kho ve maw? Kan mah le kan mah nain kan dawtdeuh mi ta aum maw?

You Might Also Like :