Folkpartiet interview kan tuah

Parliament a nai cang caah atu ni 2010 Spetember 15 ni cu kan sianginn ah party upa pawl an ra, cu ka ah cun group in an kan then i hmai lei a ra lai ding mi caan ah zei party khi dah me pek ah atha lai ti mi kong  interview an kan tuah ter. Cu ti ka ti tikah kan nih hi parliament (risdagen)me pek khawh ding cu kan si rih lo. Commun lawng ah me kan thlah khawh. Turkey nu he kan si. Folkpartiet  kong hi hmailei ah zei tindah rian an tuan lai i kan caah a `ha deuh lai ti mi kong kan hal hna. A tu ka umnak khua hi milu thawnghleikhat umnak te asi. Khua hme te asi. Hi nak in a thangcho deuh ding in tam pi aher rih mi asi.

Interview an kan tuah ter mi cu, Sianginn, rian, Pehtlainak le hngakchia kong pali hi asi. A si nain kan hal chap hna i pawngkam kong, tar zohkhennak le ralzam mi cah tiang in kan ti khawh tawk tein kan hal hna. Holh kan thiam tuk rih lo caah an chim ning tluk cu ka tial khawh lo.

Fokpartiet  Vårgårda  commun ah an cawlcanghnak cu  Business kong ah an duh mi cu chawlehnak  ah company a `ha mi, a cawlcangh kho ngai mi he adong apar tiang in i pehtlain in ngolh lo in rian tuan `i ding.  A `ha mi planned a ngei  mi seh in thil sernak hmuhkhawh ding cawk khawh ding mi rian um ter ding.  A `ha mi hotel pakhat sak ding.  Private tam deuh cu mah duhthimnak in cawlcanghkhawh nak tuah ding.

Pawngkam thil um tuning pawl. Riantuan huam le achung um mi vialte nih ram muisam tthat ter ding. Cycleways tam ter deuh ding. Thazang thawnnak le kulrang in fel tein thil ati kho mi thil ri hna um ter ding.

Communication pethlainak ah inn sak rih ding le mawtaw lam cawh rih ding.  Tlanglawng  tam deuh Vårgårda ah a tang ter ding. `hatter deuh ding. Buss kal  caan `hatter deuh cang ding. Sweden cu tlanglawng le buss hna hi atu le tu um lo in, nazi pakhat cheuh tibantuk in aum. Khua khat le khua khat public transport a `ha deuh ding.

Umnak inn pawl hi adawh deuh le mi thinlung alak khawh deuh ding in sak ding. Ram chung deuh i naum te umnak inn pawl zong sak ding.

Tar umnak inn le i din can inn umnak inn pahnih zong sak ding.  Hngakchia pawl le mino pawl caah aher mi tuah piak ding timhnak an ngei. Hngakchia hi an nih bia pi tuk ti asi.

Sianginn kong ah, fak khun in chimnak, tuah piak ding. Kan sianginn hi Sweden pumpaluh chung hman ah cachim a chia cem asi an ti. Sianginn lei in  mah hi cu a `ha ti mi kha tuah khawh i zuamh peng i a `ha lo ti mi kha hrial i zuamh peng ding. Sianginn lei in nawl an pek mi kha `ha tein zulh ding. Mah le mah i uk khawh ding. Rian cawnnak caan hi kau ter deuh le suater deuh ding. Sianginn cachim tu saya te kai cho ter deuh ding. Sianghngakchia le nu le pa cung le midang cung ah ruahter khawhnak le tuanter khawhnak `hatter deuh ding.

 

Nun phung sining lei in an ti mi cu ralzam pawl hi hmunkhat tein rian an tuan khawh ve ding. Rian pek ding. Mah duh mi tuah khawh le hawi aa komh khawh mi an si ding in hnatla pi ding.  Ram dang mi le ral zam mi pawl hi a `ha mi zohkhennak pakhat tuah piak ding. Atu hi Sweden ah cun ralzam mi zohkhennak invandrabyrå an ti i,  december thla 1 ah khin ngol ter cang ding an ti. Riantuannak zung tu he petlai ter ding an ti. 

Jan Björklund är vice statsminister, utbildningsminister och partiledare för Folkpartiet liberalerna.

You Might Also Like :