Ahmun mi dawtnak

Sianginn lutnak darking cu an tum i saya pa cu sianginn khan chung ah cun a lut i sianginn hngakchia cu theihngalhnak caah biahalnak atuah hna. Zangfahnak tein hi biahalnak hi ka phi piak uh ti a nawl hna. Hi biahalnak cu an sianginn ca nain a phi naum deuh mi si kaw, siang hnakchia pawl cu catlap le bawlpen an nih lak colh i an zoh cio hna. Catlap cung ah cun bia pahnih a hal hna.

Biahalnak (1)

Amah cu a dawtngai hna. Cu nu cu a hmai aa dawh, a tak ngau i a tungtai ttha ngai mi muidawh pakhat a si. A si natein nikhat cu ruah lo pi in mawtaw nih a taih sual ruang ah a hmai aa hrawk. A hmai aa dawh ti lo mi nu cu cu pa nih hlan lio bantuk in a dawt khawh ti lai maw?

(A) A dawt khawh lai.

(B) A dawt khawh ti lai lo.

(C) A dawt khawh ko lai tiah ka ruah.

Biahalnak (2)

Amah pa cu a dawtngai hna. Cu pa cu a angmin ngai mi sipuazi pa a si. A si natein ni khat cu a sipuazi a tla. Sipuazi a sung mi pa cu cu nu nih a hlan lio bantuk in a dawt khawh ti lai maw?

(A) A dawt khawh lai.

(B) A dawt khawh ti lai lo.

(C) A dawt khawh ko lai tiah ka ruah.

Sianghnakchia pawl nih an phinak catlap cu saya pa sin cu an piah hna. Saya pa nih an phi mi cu tuah tikah biahalnak pakhat (1) chung in a phit mi hna cu,

(A) A phit mi hna 10%

(B) A phit mi hna 10%

(C) A phit mi 80% an si.

Biahalnak (2) a phit mi hna cu,

(A) A phit mi 30%

(B) A phit mi 30%

(C) A phit mi 40% an si.

Saya pa nih an phit mi cu a vun zoh tikah cun …aw nu pawl an muirawk hi pa pawl an sipuazi atlak mi nain an in sumkhawh deuh hngak lo maw? Hi biahalnak chung ah hin theinak zong ai tel. An nih hi aa duh mi hna an si tiin nan ruah ko a si lo maw? 

‘Aa duh mi an si tiah kan ruah saya’

Aw si maw? Nain an nih hi biahalnak ah a duh mi an si tiin a tel lo kha! Saya pa cu a bia a peh i aw din tein, hi biahalnak chung i mipahnih hi nu le pa dirhmun in kan chiah lai i kan ruah tti tuah hna lai. Biahalnak pakhat chung i a um mi pa hi a mah nu i a pa a si. Biahalnak (2) chung i a um mi nu hi amah i a nu a si. Hi biahalnak hi a phi ter than ah cun nan phi ton bantuk in nan phi than hna lai maw?

Saya pa nih biahalnak catlap cu sianghngakchia pawl cu a pek than i aphi a thim ter than hna. An khan chung um mi vial te cu dai tein an um i sianghnakchia pawl an hmai ah cun zumhtlak sinak hmai a lang ngai hna. Mini tlawmpal ruah hnung ah saya pa nih catlap cu a suh than i an phi mi cu a vung tuah than tikah biahalnak pahnih ning in (A) a phih mi cu 100% an si than.

A hnung ah cun saya pa nih vawlei ah hin a hmun mi dawtnak a fek mi dawtnak phunkhat a um. Mah dawtnak cu mah ca lawng a ruah lo mi a si. Cu dawtnak cu khua caan aa thleng zong ah athleng ve hlei lo. Cu dawtnak cu hrintu nu le pa dawtnak hi an si ti in saya pa nih cu a chim.

You Might Also Like :