Tharthan Tawn Hna

Kan khua le ram na ngaihnak kong na vun phuanchuakmi ka rel i, kan khua ka ngaihnak a zual chin. A rel a nuam ngai!!

Kei zong i sum khawh loin ka lungchungah ka uam tawnmi kan khua zuunngaihnak a cheuchum ka vun phuan ve lawhlaw cang ko hih.., umhar phen rel dingin.....

 "Tharthan Tawn Hna"

Ngapihna le Tingngia pa inn tlangin Cakiy Chyi tlangtluan hrawng le Lungmari lei lokiapa lungdonh (Ohhna) hrawnghrang i fiakfairawk au/awn thawng hna kha ka hnathlam ah a hung tharthan tawn. Kan hmet lio vate kan rak peh tawnnak lungmari thlamhmun hrawnghrang, kan khuataw Thlecinpale le Sianginnhlun nelrawn hrawnghran hna, Aphia le Sathaa tlangtluan hrawnghrang hna, cun nitlaklei Ahmangpuv Lo, Caphua-Le hna le varal khatte lei i Hnaring ram Haraaluca hrawng hna hei cuan ah lung a leng kho ve ning hna kha…. Kankhua fiangtlang dawhhna kha, ka mitthlam ah piang sirsiar in a hungchuak than hoi cang e.  

Pathian pekmi Semnak Aasaw

Na vaa dawh hringhran dah,

Vangrang toi khuaza cul in,

Chanthar Ram 3^rd nak he

 tlang zamual liamko zongah

Na camcim khun, thinlungah,

Keneh hrampi thawhnak kan lailum,

Thinlung umnak, naa dawhbik ko,

Thancho ve cang, kan dirhkam ko,

Kan hlam than tawn, langlo tluandangin

Chokhlei par le phaizawng par een thla, nuamchialmal in Tlase lei vate kan va bawk tawn lio, innzuat Sia hna kan rak kawllen tawnnak hmunhma le ram hna, Ngakchia lungmawng lio caan auh thlorh in kan rak auh, kan rak inuam lio caante ko kha nunnak nih a hlam than lengmang tawn. Tlase le Khurua (Khua Hlun) hrawng Faiceu par sen an een mi le vate awdawh phunza hna kha aho vanhai loin Faiceu par le Phaizawng par, Ke thei hna an tlanh  than cang hna lai.

Khua ahcun, Khuasik caan November thla kan vun lut cun, Khrihsama rimrua le khuasik nikhua hna nih kan thinlung a hung hliphlau than hoi cang lai. Zingka nichuak hlan kan inncung hawhra le hna le khua pawngkam hrawng hawhra per tete an izelh than cang lai. Zingka ni a hungchuak ka Ngapihna lei hrawng ummi hna le Baalaa lei hrawng ummi nih Tuvso khutlaw lei rak panh in nitlang an va don, lungkhawh diriam ngaiin nitlang kan to tawnmi te hna kha.. ngai tuk than cang ..

Nitlang a hungcang deuh cun kan nu le cheukhat hna cu thinphorhnak in, cheukhat nih Lo lei kawm(fungvoi) le fang phorhnak in an hun tlun lio, an fa le hna cu an hnap te he tlabulbeu te’n an nu le pa hmai ah va tlik, an ihlok kan nuam tukmi panh sirsiar mithmai te hna kha mitthlam ah an cam peng rih… kan rak inuam khawh ve ning te kha..Zingka ni hun chuakka hrawng nitlang to pah in, chungkhar tling khitkhet tein Varanda le Thinthang(atlaaw) cungah Mai le Kawhra thawtak in kan ei tti tawnmi te hna kha ngai a um ko cang e.

Khrihsamas cu nihkhat hnu nihkhat, zarhkhat hnu zarhkhat a hung naih deuhdeuh, lunghmuihnak le Khrihsamas  ingaihnak nih kan thinlung a vun hninsaih deuhdeuh ve.  Kanmah lei Khrihsamas lai hrawng a nuam ve ning te kha..upa le ngakchia he kan thinlung aa phundang, a panh lawng siloin innzuar stil uico, ar va hna aukhuang thawng tiang phundang deuhmi a lawh tawn. Ka hlam than tawn, Semnak kankhua te kha.

VawKuu

You Might Also Like :