MisionsKyrkan ah Kawram kong chimnak

2011 feb 26 zarte ni zanlei sang suimilam panga (5) ah Mision Biakinn ah Kawlram kong chimnak a um. Karen lei in cu kong chim tu ding ah Karen pa Htwe Kuu Alingsås um mi sawm a si. Kan nih lai mi zong kha lai mi kong chim ve ding an kan sawm ve. Zarthum cotin in an kan chim cia. Hi hi kan nih Vårgårda um mi lawng caah tuah mi a si.

Alingsås ka kal i ka rak tin lei Tåg station ah Birgitta nih phone a rak ka chawn.MissionsKyrkan ah kawlram kong chim ding a um i nan nih Chin mi zong kha chim khawh ve u law ka duh tiah a rak ka chawn. Ka hawi lei ka chim lai i chim khawh le khawh lo cun kan chim than te lai  ka ti. Ka hawi lei ka chim tikah holh kan thiam lo tuk i kan chim khawh lai lo ti ko si ti si, cu ti cun kan chim khawh lai lo ti in phone ka chawn than.

16/02/2011 zanlei sang  pathum (3) hrawng ah  a mah nih  bia halnak tein kan tuah  hna lai i nan phi khawh lai maw tiah a ka hal than. A hmai khap pah ti lo in aw kan chim khawh ko lai ka ti. Si ah cun zan lei ah na inn ah kan ra lai a ka ti. Ka inn ah cun a va pa Bose he zan lei nazi 6 ah an ra. Cu ah cun biaruahnak minute pa 15 hrawng kan ngei. Sweden ah Laimi förening kan ngei nak kong le swden pawl he Chinland ah rian kan tuan ttinak CDRS kong hna ka chim i ca hna ka piah pah.

25/02/2011 zan ah Parku pa te in ah Samuel he Htwe Kuu he bia ruahnak kan ngei. 26 zing pahra ah Htwe Kuu cu ka va ton than. Kawlram kong a chim ding mi pawl le Laimi kong tlawmpal atial mi kha a ka piah.

Thla 26/02/11 zanlei nazi 5 in cu Powerpoint in hmanthlak he Karen pa nih  a piah hna. Cun Karen mino pawl zong hlasahnak an ngei. Cu hnung ah Kafe din ttinak kan ngei. Kan din dih in Karen kong vidoe in kan zoh. Cu dih Birgitta nih Laimi kong  biahalnak toi te a ka tuah. Ka chim dih in Karen ka hawi pa Sandy Wah nih solo a sah. Pastor Peter Adersson thlacamnak in kan caan kan dih ter.
02/03/11 cacawn nihthum zan suimilam pakua 9 ah Birgitta cu ka inn a rak king i kei cu Karen ka hawi pa Sameul he kan thut lio a si i zantlai pi ah ka inn ah a ra mi cu ho dah si hngak kan ti i innka cu on rih lo in chikhat kan hngak ta. Birgitta,Birgitta tiah a auh i cu ti cu inn ka cu ka on i innchung hman thut ti lo i nai i Kawlram kong chimnak kan tuah lio ah Kafe kan dinnak ah kan hmuh mi kha Karen pawl he kan then hna e mah hi Chinmi no pawl caah 1000 kr kan pek hna e a ka ti. Nangmah nih Chinmi no sinah ka pek piak te ko law a ka ti. Kan nih lawmh tuk e Pathian nih thluachuah in pek ko hna seh ka ti i mah phaisa cu keimah nih Chin mino upa sinah kan pek piak hna lai ka ti.

03/03/11 ah swedenchinyouth group ah thawng ka thanh cawlh. Pathian a ttha tuk keimah chimthiam bia si lo in Pathian nih Chinmi caah rian a tuan caah a si ti tu in ka ruah. A ca zong ah thla ka cam piak hna. Hmailei zong ah Chinmi nih kan bochan ding mi si ter hrawm ko hna seh.

You Might Also Like :