A chimbantuk in a tling hlanlo hngak phawt

" Acan a tlin tik ah kum voi a tu tik can ah hin na sin ahka ra than lai i Sarah nih fa a hrin lai."(Genensis 18:14)

1.Isaac hrinnak.

          A baraham cu Pathian he hawi kawm  an si.Pathian ni a dawt bantuk in Abaraham zong nih Pathian kha  a dawt tak tak ve.Hawikawm   um tu ning cu hawikawm a ngei bal lo mi kan um lai lo ca ah nan theih mi a si ko.Cu bantuk in  Abraham le Pathian cu hawikawm an si.Cu hmanh cu a mah Pathian nih ka hawi kawm tiah a ti.Zei tluk in dah an i kawmh ti ah cun Pathian nih"Kathil tuah lai mi hi Abraham cu chimh lo in ka um kho lo" a ti.(Genesis 18:17)A kawm tak tak mi an si.

Cun a Abraham zong nih  zei tluk in dah a dawt ve ti ah cun lamhla pi in a ra mi Pathian mihna kha a vadon i an inn ah riah an i timh le timh lai lo hmanh a hngal lo na in " Bawi pa ka inn ah tan ta lo in kei mah santlailo pa hi ka lanh tak hlah.Ti in cah piak hna ning law nan kei i tawl uh lawthingtoi ah hin i din ta uh.Rawl tlawm pal  tein in ser piak hna ning law.ei ta uh law nan bat a reh in nan lan te lai.Ka inn nan rak phan cang tung i rawl ei ta lo cu ka sia a herh a ti.(18:6)Rawl a thaw bik a pek hna, cawk hnuk hring le thawpat  le sa hna kha a hunh hna.Pathian nih cun  a hawi Abraham nih zei tluk in dah a dawt i  a thin lung tak te in sia herh nak he thil a tuah mi kha a hmuh tik ah a lung hmui tuk i a lung a tling tuk.Cu tik ah Abraham ca ah hin zei dah  ka tuah piak khawh ve hnga ti mi kha a tuak.Thin lung tak te in Abraham le Pathian hawi kawm an si nak cu an kar lak ah dawntu lunghrin nak an ngei lo.Zalawn te in  an ca ah thil tha tuah piak ding ah a herh mi a theih tu Pathian nih  A ca ah thil tha tuah piak le a herh mi pek kha a duh tuk.Hawi kawm sin ah an herh mi tuah piak cu nan duh cio ko lai.Voi khat Rev.Lian Mang Cin zah sin ka va leng .A library ah ca a rak zoh lio a si.Ca uk tam tak a a ngei.Study Baibal packing pa khat ka hmuh i ka herh tuk pin ah ka duh tuk fawn.Na ka theinh kho hnga maw tiah ka hal tik. ah "Diana pa MIT ah a kai mi ka nau le nih an ka hal leng mang na in pek ka siang hna lo.A si na in nang mah cu pek kan duh tuk " a ka ti i a ka pek.Hawi kawm kan si nak a thuh zia a langh ter.Pathian nih Abraham cu fapa kan pek lai a ti tik ah zumh a har tuk.An tar cang Sarah nau inn a per cang .Sarah cu a nih hmanh a chuak. A si na ni Abraham nih a zumh.A zumh bantuk in a tik cu can thei lo hmanh seh law,Pathian nih a chim mi cu a tling hrim, hrim lai tiah lung sau te in a hngah ca ah Isaac cu pek a si ko.

.

2.Vawlei cithar  sertu Noah.

         

       Pathian nih vawlei cung hi a zoh tik ah an sual tuk kha a hmuh tik ah i ngaih chih tiang in a lung a rawk tuk.Cun vawleipi hi ka hrawk hrim hrim lai .Saram vialte le va vial te he kahloh dih  hna lai.ka rak ser hna hi ka ngai chih a ti.A si na in No ah nih Bawipa lung a tawn.(Gen 6:6-8)

          

         Cun Bawipa nih Noah cu a thawh i "Minung hi an dih lak in hrawh ding ah ka ruat cang.An dih lak in ka hrawh hna lai ,Zei ca ah tiah vawlei hi sualnak an tuah mi in a khat.Cu ca ah vawlei hi ti in ka tawl lai ca ah lawng pa khat in ser tuah tiah a fial.Ruah ka sur ter lai i minung le saram vialte an thidih lai.Si hmanh seh law nang mah le na inn chungkhar cu nan nung lai.No ah ca ah cun  Pathian he bia an i ruah mi hi zumh a har tuk ko.Zei ca ah tiah, Noah nih hin

1.Ruah sur a hmu bal lo.

2.Noah a um nak le rili hi a hlat tuk.Zei  tin dah Tinbaw a dih tik ah ti chung ah ka thlak lai ti hi a thluak nih a phan lo.

3.Saram hna hi zei tin dah ka auh lai i ka cawm hna lai ti hi  a thei kho hrim hrim lo.A si na in hi kong ah hin Pathian sin ah bia hal nak pakhat hmanh a tuah lo.A chim bantuk in lawng  cu tlang cung  vawleicar bak ah  cu a sak ko.

         Pathian nih zei tik ah dah a chim bantuk in a tuah lai ti cu hngalh a har tak tak ko.Pathian cu a can can a tuan khawh chung in  a phi a kan pek.A can can cu a kum in a rau tawn.Noah ca zong ah a har tuk ko lai.Kha chung vialte kha mi hmai a khah lo can a tam pi ko lai.Minisawh a tawn can a tam pi ko lai.A si na in a zumh nak le a lung sau nak cu Pathian nih a rak duh mi kha a si ban tuk in.Pathian nih a zumh ah ca ah a mah Noah hmang in vaw lei kha ser than a duh  mi kha a rak si ca ah  Pathian nih a za canga ti mi can ah cun a chimbantuk in a tling ter tak tak.Zumh nak ti mi vu a lung zong a sau tiah Isaih nih a chim bantuk in zumh nak chung ah lung sau te in a nung mi cung ah Pathian nih cun thluachuah a pek hrim hrim hna.                                                                  

"Na zumhnak cung ah Pathian i lawm seh law, na duh mi tling ter hram seh.Amen"

 
Rev.Pa Hrang Hmung

You Might Also Like :