Chinese pa he kan i vuak

           Ca cawn caan khat a vun dih. I dinh caan minit 20 caan kan ngei. Ka cauk fim dingah ka biizu lei ka panh. Ka cauk le ka ca fung fim ding cun ka kun i tawh cu ka on. Ka van sanh thlu. Tawh ka hrenh lai ka ti lio ah khin Chinese pa nih ka tawkawng bak ah a vun ka tteih hram hram. Lau ngai khin ka vun zoh i "ooh sorry" ka  ti. Nain a mah a ka zoh dan cu kan ngiar ti phun khin a vun ka zoh. Hmaipanh nawn te khin a dang ah ka mit ka thial.
           Ka ttang in a vun ka tleih a ka zoh dan cu ka hmai hi alh kho seh law a alh dih bak. Kei mah nih zei hmanh ka let lo caah chim awk dang a theih lo tuk ah khin ziah lam ah cun nai kham a ka ti. Lam cu a kau pi ko. ka thin kha a hung pah cang. zei ruangah dah a ka ngiar ti cun, a nih hi  Karate thiam mi cu si kaw, ka phawrhlaw si lo in tlawmte ka thiam kha zei tin dek a hawi le nih an rak theih diam ai. khawika ka cinh lio dek an hmuh ko ruah khah. Anih hi kan sianginn ah cun a tongngam mi an um rua lo i a hawi le pawl nih khan kei mah he i tong ding in an van forh bia khi si rua.
          Ka pum cu hme tuk kaw tlangval pakhat nih hngakchia semka a cawi i a duh paoh in a tuah bantukkhin ka ttangin a ka tleih i a ka thin tawp ko. Nan theih cio bang kum sau a cawng mi cu lungsau zong khi cawn chih a si. cu lo ah cun mi he an i velh sual tik hna ah an thiam nak sangbik khi an hmancawlh lengmang i mi an thah sual tawn . cu caah a sangpi a cawng mi khi cu lungsau mi lawng te khi an si ngawt. Ka ttang bak in a ka tleih i a ka thin kha ka thinlung nih a celh tilo caah ka tleih phawt ve. mah bak khan cun a hawi le pawl cu an i lung hmuih kho tuk. i tthua hna seh ti long khi an kan duh ko cang.
         Hmunhma kau deuh nak cu a hei ka sawh piak cawlh. Kai thua lo nak cu a kum kum in sik tikah ka tha a ka hiar pah ka duh lo pah. ka kut in a ka rawt i a ka kal pi. ka lungchung cun a pawi lo cu tham cu ka ti. Kuat a lak cawlh. Khua tuak pah khin ka keza le ttuang cu fek tak tak in ka tleih ve. A vun ka nam ciammam cu a kuat kha Jetli film i Japan pa he an i thuat nak i Jetli nih a hman mi kuat kha a si. Mah kuat te kha kan rak uar tuk mi arak si le ka rak thiam tuk ai. Amah kha a rang pah le ka kut in hnu lei thawnpah in minit 1 ah ka phet thlu. Pawngkam minung cu an tam ko.
            Kan i tthuat hlan ah bia ka theihpah mi cu "ooh he is too small" a ti mi cu a zaza an si. Nain vawikhat hmanh a ka mih lo kha an hmuh tik cun an kaa an i ang dih ko. Amah zong a lau ngai ve. Kuat dang a vun thlen. A van ka nam than Mupi kuat a hman. Ka thiam ko nain a nih a rang taktak. ka hnu lei kai thawn pah kai phet pah khin lehhram ka thawk ve. caan rem kai lak ve, ka kut hnih in hnu lei tha kai lak i keh lei ka kut cu a ttangah vawrh lei kut in a ttang tang pawpi ah ka khen. a pin pah ko rua khah ahnu lei a tawlh. chung lei tha ka lak mi a tam pah nain kai din lo ka peh cawlh.ka nam ve hnik i ka kuat a rak theih ziar ai, ai phet pah in ka keng ah  a kio in  a ka suk manh. a fak law law. Kuat ka thlen Dragon an timi kuat in  cunglei kai hlawk i pee nga hrawng si lai, kehlei ka ke ka cawi hmasa a hnu ah vawrh lei ke in a hngawng ah  ka khik ciammam cu ai phetmanh lo. a tlu cawlh. ruah lo pi ah khin rang ngai in a hung tho cawlh than.
         Swedish pawl cu Karate zong an hmuh bal tuk lo tikah mitam u nih cun an phone in video an kan zeih phah. A ka nam than Cakei kuat in si kaw a kut le a ke a mer a mer i ka ttang cu a ke rawl ah a cang diam ai . van that ah chung lei tha a hmangthiam tuk lo caah a fak tuk ko nain kai hrim than.
          Ka thiamnak sangcemmi "MOE MIN THET KAA AA KAA WARING KYAW" timi kuat in ka nam ve. Ka keh lei ke in ka dir i vawrh lei ke cunglei ka thlir, ka kut hnih ning in ka keh lei vawrh lei ka samh i ka kuat a thei kho ti lo. Attang ah vawiruk ahnar ah vawili ka thawngh i a rang tuk caah Swedish pawl le ramdang mi a kan zoh tu nih vawihnih long ka thawngh in an rak hmuh.ka lung chung cun an mawh cio lo ka ti pah. Keh lei kut in a hngawngah ka ngerh, ka vawrh lei kut cu thah ding in timhcia te a um ko. ka that duh tak tak lo zoh dawh ah kai tim sawh mi khi si ko.  a ttang hma le a hnar hma kha a fak tuk tik ah a cawl kho ti lo. cu lio ah cun kan khan pa pawl a ka nek ngai mi pawl kha cu an cil an dawlh ngam ti lo. Irak ka hawi pa nih a aw pei nawn khin "han är min kompis" he is my friend tiah a au.
          Nungak pawl an thin lung  cu ka ttial lem ti lai lo nan theih cia si kolai. nungak pawl cu an hawlh tam tak tak khi si kei mah kong deuh ah maw si thei hlah, hna an chet chin lengmang ko. Culio ah cun ka van i tthang cu Alarm ka rak ching mi mirang aw tha Greenday aw a rak si diam ai.

Carel tu nan dihlak cung ah lawmhnak tam pi ka nei.
 
He Tu

You Might Also Like :