Hngakchiat lio miduh te kha....

                           A sam thlai rem cu Bungtla tisor ko khi a lo. A mit ttial nih le vun zoh deuh ah cun ram ar te ko khi a lo ko.A cal ka zoh le sunghno ka nu tapi nak in a piangpai deuh. A ha tiam nih le rem kaw lairel ka pa ngaidi cih mi nak in a rem deuh. A tungtai ka zoh ah ka pu sum a seih mi nak in a dawh deuh. A ttawk ka zoh ah India bel pum nak in a pum deuh. A ke le dilsang kedenh cu ka pi le a tikur a zuk mi nak in an i remdeuh. A pumdih lak ka zoh tik ah cun tuanbia an chim lasi ngaknu ko khi a lo. Mitthep ka thei ti lo. Ka ka kai ang i ka zoh ko.Ka cilkhari a luang hmanh theih ti hlah. Ka lungthin in ka duh nak cu 180 degree bak si.

                            "Kan uar tuk e, na dawt nak ka co lo cun, zei ka si lo zong ah ka ruah piak ko" tiah ka lung chung cun ka hei ti. A theih in rak ka let sehlaw cu vawlei cung ah a duh tling mi le ai nuam bik pawl ah cun ka si ve hnga. Hngalh lo maw a fak deuh theih lo an ti bang ka chim mi a theih lo kha cu ka pu a ha fah a chim mi nak in a fak deuh.

                            A hmur ka chung chuak a anka nih cun thlum tuk hawi kaw ka hmur hrawng thopaw nih a rak ka tlanh hmanh kha ka thei ti lo. Na ei cang ma tiah a vun ka ti cu kai lung si tuk ah hin zei bia dah ka leh hmanh ka thei lo. Tlang cung cuang mi cu a si ban tuk in va phunkip nih an tlanh ko, a duh mi ai thim kho mi dir hmun in a dir ko, nain a zei ti a si hmanh ah kan duh ka ti ko lai mah tluk a dawhmi le ka duh tuk ko mi cu tiah ka ti vial ah khin ka sining ka vun i hngalh than i ka ngeih chia tak tak . Kei cu kum sarih kum riat long ka si rih a nih cu kum hleikua kum kul hrong a si cang kha ka lung nih a hung hngalh than.  hngakchiat lio miduh a fah ning hi na ti ve maw?

He Tu

You Might Also Like :