Thei a her mi thil panga

  


1.     Zing kan tho ka tein a ttha mi ruahnak, a tha mi bia chim hmasanak, angminnak lungput kan ngei khawh ding hi a bia pi tuk hna. Micheukhat hna cu thawngpang kan nih hal tikah thawngchia hna kan nih chim hmasah i chun nitlak tiang zong in a ruah khawh mi kan um ti asi. Cu ka ah mi an thih e, cu ka ah cu ti cun an zawt e ti mi hna sau nawn te kan nih ruah ko nain, zei tin dah kan phising lai ti hi kan nih ruah pah ton lo.


2.     A tha mi lung put ngei hmasah nak hi teinak zong a si. Ngandamnak zong a si an ti. Kan sipoizi a tla tikah kan lung a dong cawlh hna i kan ngol hna. Voikhat kan tla tikah kan aung than lai timi lungput ngei ti lo in kan sungnak nih  kan awng khawh ti lai lo timi ruahnak kan ngei hna caah. Lungdong nak kan ngei i pumsa dam lonak zong a chuak khawh ti asi.


3.     Nungak tlangval he i then tikah cheukhat cu nungak/tlangval  hrimhrim duh ti lonak hna lungput, nungak tlangval kan ngei khawh ti lai lo  timi ruahnak  a ngei mi kan um ti asi.Hi bantuk ruahnak hi cu a palh bak mi ruahnak a si an ti. Kan duh mi kan co khawh lo zong ah a dang he co than khawh mi asi.

4.     Sweden pawl nih an duh lo cem mi cu kum zeizat na si ti i hal le lakkha hal  hi an duh lo cem ah ai tel ve. Kan lai mi cu lakkha kong hal i kan duh cem ruah ka ti.

5.     Interview an kan tuah tikah a biapi tuk mi pakhat cu, kan chim mi nak in kan umtuning hna hi an kan zoh deuh ton. Kan lai mi cheukhat cu interview tuahnak ah kan sung lengmang  hna. Interview an kan tuah tu pa nih kha rak thut an kan ti i kan thut i a sir lei in kan thut asi lo ah kan kei hna kan cawlh ter hna. A si lo ah kan kut hna kan ring ter. Lukheu hna kan hmang. Zoh ah hin mihru khi kan lawh ko. Bia i ruah tikah an hmai bak khi zoh ding a si. Kan nih cu lu i khuh hna kan hmang. Mi hmai kan tei lo maw a si hngak.  Um tuning kan thiam lo ruang ah kan thiam mi rian hna zong kan tuan khawh lo.
HD

You Might Also Like :