Meikang huhphenhnak

1.   Na inn ah ngei hrimhrim a hau mi cu smoke alarms hi a si. Na inn ah a um lo sual ah cun cawk ding si ko. Smoke alarms kha  test law a ngah lo ah cun Battery thlen piak a hau. Mah hi cu ramthumnak ah cun innkip in a um dih ko ruah ka ti. Na inn hna a kangh sual tikah smoke alarms nih meikangh a kan thei ter tu a si.                                                                                            

2.   Na inn hna a kangh sual tikah na innpa vialte na theiter hna lai. Mei kha nangmah tein na thah khawh lo a si ah cun, na innka na on lai lo. Na hren dih hna lai. Zeicatiah innka na on ah cun thli a lut lai caah meikangh kha a rang tuk lai. Innka na hren ah cun mei kha a mah te zong in a mit than khawh.  Cun meikang huhphenhnak zung ah phone na chawn cawlh hna lai. Mei thahnak hi a phunphun um i Electrik ah hman mi, ti ah hman mi, chiti ah hman mi le inn chung a si ah cun khoika paoh ah hman khawh mi hna a um.  Mei na kio nak  chiti hna a kang sual a si ah cun ti na toi hrimhrim lai lo. Achin na chin lai, si lo ah cun Fire blanker puan in na khuh hna lai.                                                                                                                    

3.   Tam deuh  inn a kangh khawhnak hi cu tappi mei phit philh sual, Electrik mei a palh ruang ah, kuak zuhnak mei thah philh ruang ah le phazawngdaing mei thah philh ruang deuh ah a si. Cu caah innleng chuak duh tikah innka a chung ah khan mei phit ka philh sual maw ti mi i thei ter thannak ah card te benh zong atha ngai.

4.   Fire blanket  mei vorhmi puan hi ngei ah atha. Alanghnak hmun te ah benh a hau. Minung hna a kangh sual cang a si ah cu mah puan te kha vorh ding a si. A par ah tlai i a lu in rak vorh ding a si. Cun puan cung in khan kut in mei thah piak a hau.                                                                                                 

5.   Hmundang ka dang ah mei kang ah cun a leng na chuak lai lo innchung ah na um lai. Zeicatiah na caah a him deuh. Innka na hren lai i thlalang awn zong na hren dih lai. Meikang huphennak zung ah phone na chawn lai. Na innka phawng te ah na dirh lai i meikangh huphen tu cu minit 30-60 hrawng ah an rak phan khawh hna i nangmah kha an kham khawh hna.

You Might Also Like :