Aral Chanmi Kan Nunnak

             

Ka hawi le sinin ka ngah mi ka khomchom mi  hna an si.

Nihin kan nih cu inn thatha zong kan ngei cio, a si natein chungkhar tlawmte in kan um. Kan hlawh a tling lengmang ko, asi nain a caan  nih a  dih le kan panh thluahmah ko. Degrees tampi kan lak, a si nain thil si taktak kan thei mi a tlawm.

Bahuhtuta kan thei dueh, a si nain soisal nak a tam deuh. Thiamnak tampi kan ngei ko bawinak a tam chin.  Si  tampi kan din ko, a si nain ngamdam mi kan tlawm.  Capo tampi kan chim, nizaknak a tlam chin.  Mawtaw kan mawng a rang chin , thinhungnak  a nai chin.   It kan tlai, ca zoh a tlawm chin.  TV  kan zoh tuk nak ah, thlacam kan daithlang.

Ngei le chia tam duh ah, rian kan  tuan cuahmah ko, kan hmuh mi a tlawm.   Kan bia chim cu thlum ngai ko nain, dawtnak bia tak kan chim kho lo.  Lih le hrawkhrawlh in a tu le tu kan um. Kan pawcawmnak caah ca cu kan cawng ko, a si nain kan nunnak taktak a si lo.

Kum  le caan chung in kan nunnak cu a um kan ti, Kan nunnak caah kum le caan cu kan hman thiam lo.  Thil ngan pipi hna tuah kan nih timh, a si nain kan thin a toi i lungsau nak kan ngei kho lo. Kan lamh mi lampi cu a kau tuk ko nain, kan hmuh mi cu a tlawm.

Tampi kan hman khawh ko, asi nain tlawmte lawng kan hmuh.  Tampi kan ei khawh ko nain, kan nih lunghmuih kho lo. Ram lian ram ngan ah tlawn khawh nak lam tampi a um ko, a si nain  inn pa va leng ding hman ah kan thil a rit tuk.   Tampi kan tial khawh ko, as i nain kan thei hngalhnak a tlawm, kan nih timh mi a tam, a tlamtling ngai ti a um bal lo.

Kan lahkah a tam, pek kan siang lo. Kan nih din caan a tam ko nain, Kan nih lawmh caan a tlawm.              Ei din phunphun kan ngei ko nain, Vitami a tlawm.   Nuva in  lakkha a tam chin ko nain, ithennak a um lengmang.   Chungkhar dawt mi hna hman a dawtnak hri a cat khawi mi hna kan um.

Cu caah kei ka chim duh mi cu,nihin thawng in a sunglawi tuk mi thil a  si tiin, ichih hlah uh. Zei ca tiah cun, nitin in  nisunglawi lawng te an si ko.  Thei hngalknak caah kawl. Ca tampi in rel. Na chungkhar, na hawikom caah caan tampi i pek law, na duh mi rawl kha tampi in ei. Na duh mi hmun ah khan kal ko.  (Bawah) ti mi cu nuamnak he tuan bia dawh a tial tu biazai pakhat bantuk a si. Kan nunnak ca lawng ah asi lo. Na chiah mi thilman sung pawl, zihmui zong  nangmah nih a her na ti caan te ah khan hmanthiam I zuamh ko. Nikhat khat cu kei cu mah cu ka tuah lai kan ti mi pawl hna zong hi a tha ve ko na te in, caan tha kan ngei mi chung ah hin lawmhnak he hman thiam uh sih law, kan chungkhar le kan hawi le pawl kha zeitluk indah kan nih dawt ti mi hi chim hna uh sih. Na nunnak caah lawmnak an pek tu, na nunnak caah  kan thaba a dam ter tu pawl vialte hna cu tlaiter hna hlah usih. Nitin,caantin poh ah hin caan sunglawi lawng te an si ko. Cun khawh cun hi hna vialte hi zei caan tiang ah dah a him lai ti mi hi kan thei hna lo.  Adongnak kan phan tikah cun Pathian nih bia an kan ceh te ko lai ti hi philh hlah usih.  Thiltha tampi tuah izuamh usih law kan caan hi lawmhnak in hmang hna usih.

HD

                        

                            



            








                   

You Might Also Like :