ACAAN ATLING AH CUN ASI KHAWH KO

0

Voikhat cu

Unau pahnih an um i an nu le pa ni ro an pek ta mi lei khuang eeka tampi aum. Upa deuh pah nih a nu le pa nih an ro tak mi kuang vialte kha pakhat hman aduh lo. Aruang cu kha lei kuang vawlei tha asi lo i zeihman cin awk atha lo mi arak si. Upa deuh pa nih aduh mi hna cu Sui chuaknak hmun lawng kha aduh. Ka nu le ka pa nih an ka ro tak mi leikuang hi cu alakka asi tiin ahmuh ning asi.


Hi leikuang hmun in hi cu zei tik hman ah ka rum bal lai lo ti in aa ruah. Cu caah nu le pa ro cu an nau asi mi pa sinah khan ahmuh mi ro vial kha man fawi deuh tein azuar i amah duh mi Sui kha akawl i cu ka ah ka hmuh lai ati nak ah khan cawk ding in khua dang lei ah khan aa thial. Sui aum ruah tiah aruahnak ah khan, vawlei hmun cu cawk i, sui khor cu acawh.  Amah ruahnak tluk in sui kha hmuh kho lo. Asi nain anau pa vawlei hmun nain cu ahlawh deuh tiah aa ruah.





Anau pa nih cun zeihman kha cin awk atha lo caah pawkam vawlei hmun  zoh chih in rua phunkhat lawng kha acin hna. Aho hman nih lungthonak acin mi an um lo. Asi na tein anau pa nih cun aruah mi cu adang cin awk zong atha lai tiah aruah ve lo. " Rua" phunkhat lawng hi angah ko lai ati i, zei caah mah "Rua" hi an cin cio hna lo ati i amah le mah kha bia ahal. Aman atlawm caah maw asi hngak? " Rua" lawng ka cin ko lai ti in bia aa khiah hna.

Anau pa nih cun angei mi azin tein ahak mi vawlei hna kha duhsah tein vawlei tha apek hna i "Rua" phunphun hna kha acin. Ni fatin tein har ngai in rian cu atuan i, vawlei chia cu vawlei tha apek lengmang hna. "Rua" cu har ngai in acin i amah kha an zoh tikah   khan an zangfah ngai hna. Nu le pa ro ahrawk  duh lo mi, asi khawh lo mi hna atuah lengmang ruag ah khan amah pa cu mikip nih khan an zangfah tuk hna. Asi ko nain amah nih mi chim kha zeihman ah arel hna lo. Ka cin lai tiah bia ka khiah cang mi cu "rua" lawng hi an nun khawh ding in ka cin lai ti in  rua cu tamdeuh in acin.

Kumkhat------> mah leihmun ah cun rua acin mi cu zeihman aa dangnak aum rih lo.  Amah nih hecheh tiah lei athuan tuk ruang caah khan avawlei kha tlawmpal te anem deuh menmen asi.

Kumhnih------> mah leihmun ah cun rua aum ti ding in zeihman khi ruahdam awk aum rih lo. A vawlei hna kha, achia deuh lei alawh than.

Kumthum------> tikah cun amah inn pa lo pa zong nih khan an zangfah tuk cang. Za cang ko sehlaw "Rua" hi cin duh ti hlah na tha lawng apam lai an ti. Hi bantuk leihmun ah hin cu zeihman hman awk atlak lo mi hmun asi e ti in an chim cio hna. Achim tu hna zong ah hin amah i a upa zong ai telh ve ti asi. Amah a upa cu Sui khor acawhnak ah cun phaisa hna akhom pah cang. Asi nain anau pa tu cu adin thiamthiam lo. A vawlei tu cu anem deuh suahmah hna.

Kumli------> avung tling tikah cun a vawlei hmun ah cun "Rua" cu arak corh ka te asi. Mah hi zei  dah acorh tiin hal awk aum lo tein  "Rua" lawng aum ding in acin caah, khat thluahmah in an corh kha asi ko. Vawlei hak an ti ton mi vial te hna zong kha atu ah cun an nem dih cang hna.

Kumnga------> amah avawlei hmun ah cun "Rua" cu tha ngai in arak kho ciamam le avawlei hmun kip ah "Rua" lawng in arak khat kha ahmuh cang hna. "Rua" aa phundang nak cu voikhat lawng athang khawh ding hi cin ahau. Ahnung ah cun amah tein  acorh cuahmah hna i an nung ko.

Kumnga a tling ah hin cu a hlan ah a rak kham tu pawl hna kha an zapi ning in an lung a rak si tuk than. Amah pumpak in a rak kham ve tu a upa hman nih a Sui kawlnak rian in a rak khom mi phaisa zong kha a philh i anau pa ruakung tu kha khuaruahhar in a rauh than hna i a sian than lo.. Zeiruang ah a si tikah cun anau pa cu a tu hi ruakung hna kha a zuar caah mirum pakhat ah acang caah asi.

Hi tuanbia nih hin....
Zeirian hman hi kumnga chung hi cu i zuam i, tuan ahau tiin fim akan chim hna,,,,

Hi vawlei ah hin nangmah nih na cinthlah mi tu hi a nungkhawh ding in le na theipar na hmuh khawh dingin fim a kan cawnpiak mi a si.

Zeihman hi nangmah pumpak in a si khawh ka awngmin lai tinak lungput he hmailei caan tiang ah teinak le sungnak an kan pek ti mi fim a kan chim chih hna.
HD

You Might Also Like :