American Dollar Converter
Pangpar pakhat nih hiti hin achim
Pangpar rang nih khan pangpar hna cu tamdeuh hi cu ahmui ko. Pangpar hna cu ayang atam deuh ah cun ahmuih deuh ve. Minung kannunnak zong hi bantuk asi. Tluangtlam tein aum deuh ah cun alungthin zong atha chin.
Pangpar pakhat nih a chm ve Zan hmui par cu zanlawng ah ahmui asi lo. Chun zong ah ahmui ve ko. Asi nain chun ah cun mitlawm lawng nih arim hmui an thei khawh. Zeicaah asi ti asi ah cun chun ah cun minung kan lungthin hi avaivuan ton. Minung kan lungthin hi chun ah hin adai ngai ah cun zanhmui par hi chun zong ah arak hmuih ngai ve dakaw.
Pangpar pakhat nih a chim ve Zingka tein ciapaing na cawk ah cun apar lio mi kha rak cawk hna. Zingka ah hin ciapaing par tha bik caan asi. Zingka in apar lo mi ciapaing cu nitlak tiang hman ah apar kho ti lai lo. Minung zong hi cubantuk in mino silio ah timhtuahnak ngei lo ah cun upat hnung zong ah asinpi ngai ti aum lo.
Pangpar pakhat nih a chim ve
Anglawi mi pangpar hna hi an man afak i an uai zong ahar. Minung zong hi hngakchia lio ah aman fak mi pangpar bantuk kan si ko. Tha tein zohkhen lo ah cun an rawk afawi.
Pangpar pakhat nih achim ve.
Hnihsi par vialte hi hling an ngei dih. Hnihsi par hi na duh asi ah cun amah ahling kha khia hlah. Ahling nih an chun lo ding tu in zeitindah ka tuah lai ti lawng kha na cawn ahau. Mivial te hna hi pawhlawrnak kan ngei dih cio. Midang nih an ing khawh lo ding mi chim lo in hrial khawh i zuamh hna.
HD
You Might Also Like :
0 comments:
Post a Comment