A nung mi Pathian bia

                                                  

“Pathian bia cu a nung i a thawng.Kaphnih har vainam nak in a har deuh,hlanglak in a cheu khawh,nun nak le thlarau an i tawn nak tiang,hliahcang le thlik an i ton nak tiang, a cheu khawh.Minung lungthin  duh nak le ruah nak vial te kha a hngalh dih?”(Heb 4:12)

Pathian bia cu Pathian he an si nak a khat i a nung.Bia thawng in zei zong vialte ser a si.A nun lawng si lo in a thawng.A thawn nak cu mi  nih tah awk a that lo nak pin lei tiang khi a si.Thil ti khawh nak a ngeih nak cu Pathian thil ti khawh nak he an i khat.Cu ca ah Pathian bia ai ken peng mi cu nun chung ah vawlei ral doh nak ah hriamnam tha bik a ngei mi nak in a tha deuh mi hriamnam a ngei mi an si.Bia tak cu nan hngalh lai i , bia tak nih cun an luat ter hna lai.(Johan 8:31)Biatak hngalh cu luat nak a si.Sifah nak chung in ,reitheih nak chung in ,hruhnak cu in luat nak hmuh a si.Pathian bia a ngei peng mi cu an ral an tei,Satan nih Pathian bia cu a tih  ca ah Satan an tei.Sifah nak chung in vawlei  van a ngei tu a si bantuk in van le vawlei ah kan herh mi a kan pek khawh.

    Cu ca ah U le nau zumtu hawi dawt nak hna,Pathian ka zumh a ti mi nih Pathian bia zei ah a rel lo i a ngeih lo ah cun a si kho lo mi  asi.Pathian na dawt ah cun a bia na dawt ve awk a si i a Pathian na tanh ah cun  a bia zong na tanh ve awk a si.A bia na tanh ah cun na nung lai i hi vawlei ei tu na sin lai i vancung pen nak chung ah a lan mi nun a ngei tu na si lai.

   Pathian nih a bia a tanh tu cu a dawt hna  a tanh ve hna.Bawi pa nih thluachuah in pek ko hna seh.

Thlacam.

Maw ka pa,ka bia cu ka fial mi tuan lo in a kir lai lo na ti bantuk in ,na bia a tanh tu le a hmangtu hna cu an duh mi tlamtling te in a hmuh mi an si nak hnga,thiangthlarau in theih ter hna law,lam hruaihram ko hna, tiah Bawipa Jesuhkhrih a min pakhat lawng bo chan in nan sn ah thla ka cam.Amen

Rev.Pa Hrang Hmung

Nan dam maw

                                                      

                                                                  Rev.Pa Hrang Hmung

      Dam nak cu minung kan nun nak ah a bia pi bik a si bantuk in a ho poah nih  kan duh i kan kawl mi  a si.A si na in dam nak a kawltu poah nih dam nak an hmuh lo.Pumsa dam nak an hmuh  na in thlarau in an damhna lo.Pumsa  ah ka dam ko an ti na in Pathian  hmuh nak ah cun dam lo in  hmuh kan si.A si na in thlarau  dam nak a ngei mi cu pumsa dam nak zong an hmuh.Luke 17:11-19 ah kan hmuh mi cu mithinghmui  pahra damternak kan zoh tik ah ,pakua cu pumsa dam nak lawng a hmuh mi an si pakhat pa lawng kha pumsa thlarau in dam nak a hmuh kha kan hmuh.Jesuh nih “tholaw kaltuah na zumhnak nih an dam ter cang.”tiah a ti.Jesuh nih voihnih a dam ter ti si lo in pumsa le thlarau in a dam mi lawng khan an dam cang tiah a ti mi kha a  si.Dawt mi u le nau hna na dam maw.Na zawt tah na thei maw.A zaw mi nih si bawi an herh.(Mathai 9:12)Si bawi sin ah an kal tik ah an dam.Naa man  a dam lo kha Pathian fa nu nih a theih ter.A dam lo a theih tik ah dam nak ding hmun Jordan tiva ah nizah lo te in a ran nak in a kal.Pumsa thlarau dam nak a hmuh.Ngaihchih nak lawng nih  dam nak a chuah pi kho lai lo.A thisen lawng in dam nak hmuh khawh a si.A sin ah  kal mi hna cu a ho hmanh a lak  in a kir ter lo tu khrih sin ah dam nak cu nan hmuh lai.Khrifa hla bu 130 kha ka thawh  kan sak ta hna lai.

Thlacam.

              Damnak tlamtling a kan pektu Pathian hi na bia tak hi thluachua pelaw pumsathlarau a dam lo mi hna ca ah dam nak si terhram ko tiah Jesuh khrih min in zangfah kan nawl.Amen

An i palh kho lai lo

                                                   

“Pathian nih an mang ah Herod sin i kir ti lo ding khan a chimh hna”(Mathai 2:12)

Pathian nih a bia a tanh.A bia a umnak poh ah a mah a um.A umnak poh ah cun teinak a um.Zei ca ah tiah Pathian bia cu a palh kho lo.Cu pin ah a thlahcang mi  a bia cu riantuan lo in a kir bal lo.Pathian nih a fial mi a tlolh hrim hrim lai lo.(Isaih 55:10-11)Cu ca ah Pathian he bia a ruah mi poh Pathian lam hruainak cung ah a kal mi hna cu zei tik hmanh ah an i palh kho hrim hrim lai lo.Pathian bia kha chun zan in a ruat mi cu thluachuah an hmuh lai.An tuah mithil kip ah khua awng a tawng lai.(Salm 1:1-3)

Ni chuah lei arfi thiam singpahrang hna hi a mah Jesuh arfi kha an zulh i Jesuh kan siang pahrang cu an va hmuh i an va biak.A ngai ngai ti ah cun an rat nak lei in kir ding kha an si.A si na in Pathian nih an kir ah cun Jesuh ca ah ral ngan pi a si kha an theih ca ah lam dang ah kal ding in a chimh hna.A chimh bantuk in an zulh.Lam dang in an kal.Har nak chung in an luat.Ni hin ah hin Satan nih a zung zal in a kan bawh har nak pek ding in timh cia in lam a kawl peng.Satan riantuan nak ni hin ah vawlei cung ah khuaruah har in a thang.Ni zan tihni I Paskistan ah Alkaida pawl nih  zei hmanh sualnak a tuah lo mi ngak chia siang inn an kai lio ah 100 leng an thah hna.Is pawl nih mi hnawg pheh cu an i harh lo.Australia  thawngpang hna nih mi a lau ter ngai ngai.An tuk a sum lo.Satan khua chia nih puarthau nak a pek hna.Zei tluk tih nung dah a si.

U le nau chunzan in Pathianhe bia i ruah i a mah lamhruai nak chung ah kan kal um a herh tuk can kan phan.Pathian riantuan nak a thawn chin bantuk in vawlei cung ah satan riantuan nak a thawng chin ve.Kan i ral ring deuh a herh.Biatak Pathian bia kan rel deuh a herh.Thlacam nak in Pathian he bia kan i ruah i a ruah nak a lam hruai nak chung ah kan kal lawng ah kan duh mi kan co khawh lai.Pathian lam hruai nak lam cu a palh kho hrimhrim lai lo.Cu ca ah Pathian aw ngaih in arfi thiam hna bang har nak chung in kan luat peng khawh nak hnga Pathian he bia i ruah peng i zuam hna u sih.

Thlacam

Maw ka pa,Nang mah fim nak cu a palh kho lo ti hi kan hngalh ter law.nang mah fim nak I bochan khawh nak zong na thlarau in kan theih ter hram ko.satan pen nak hi vawlei har chung in kan luat i na pen nak a kauh chin khawh nak hnga kan nun ah bia kan ruah peng ko tiah Jesuh khrih min in zangfah kan nawl.Amen

Rev.Pa Hrang Hmung

Nun na in thih

                                             

       Nun ko tung i thih ,thih lawng hmanh si lo in Mei ah paih,khangh ding ah cun kan pam tuk.A fak ngai mi cu nun na in a thi mi ,ka nung ko tiah a ruah bu ah a theih lo kar ah a thih cuahmah kha rak a si.Cu bantuk cu hi vawlei cung ah tam tuk kan um A poingai i lung a fak tuk mi cu khrifa zumtu ka si a ti mi hna mi thi kan si ko mi hi ngeih a chia kho tuk. “ Minih hin vawlei pumpi hi co hmanh seh law a nun nak a sunghtung ah cunzeital a miak hnga maw?A nun nak kha zei hmanh nih a caw than kho lai”(Mathai 16:26)Vawlei pumpi ngeih tung i nun nak sung cu a miak lo bik.Chim duh mi cu vawleipumngeih hi nun a si loti nak.Vawlei pumpi ngeih khawh nak tiang chawva ngeih zong ah nun nak cu a cawkho lo.Nun nak cu chawva in cawkhawh a si lo ti nak.Chawva ngeih hi nun a si lo.Nun a si lo ah cun thih a si ti nak a si.Nun na in thih ti nak a si.Khuaika dah kan thih.Pathian hmai ah mi thi kan si.Pathian hmai ah mi thi ti duh nak ,mi thi cu vui ding lawng a si.zei hmanh a tuah khawh ti lo i santlaih nak pakhat hmanh a ngeih ti lo bantuk in Pathian hmai ah zei hmanh kan si lo.Mi thi kan si.Cu ca ah Paul nih nun ti mi fianter mi cu “kei ca ah nun nak hi zei dah a si?kei ka ca ah nunnak khrih a si ko”(Filipi 1:21)A si Jesuh nih a chim mibak kha a si ko.kei cu nun nak ka si.(Johan 14:6)A fiangchin leng mang,khrih a ngei mi lawng Pathian mit hmai a nung mi kan si  . Khrih ta kan si.”Pathian thlarau a ngei lo mi cu khrihta an si lo.”(Rom 8:9)Hawi dawt khrih ngeih i nun na duh lo maw.Khrih ngeih tung lo i nun cu thih a si.Thih hmanh ah pumsa thlarau thih a si.Cu hmanh cu Satan an thlaknak hnga zungzal a mit lo mi hell mei ah zungzal in nun bu in mei in kangh peng nak hmun ah nun  kha a si.

      U nau  nun nak hi rawlnak in a bia pi deuh lo maw.Rawl ei ko tung i thih maw na duh deuh na nun ruang ah hni puan ngeih dah na thim deuh hnga.Khrih chung ah na nun a si ah cun na hni puan zong man a ngei i na rawl zong sullam a ngei.Nun na in a thi mi cu ruak thlah lawng hngah mi na si sual lai mi hi ka phang tuk.

Thlacam.

Vancung Pathian nun nak bawipa,a thi cia vawlei nun ter than awk ah,na fa pa na run thlah.Moses darrul a tar mi a zoh mi vialte an nun bang,khrih vailamtah nak thawng in khamh nak an co i thih nak chung in zungzal nak nun ah na dawt fa le hna kan phak khawh nak hnga kan bawm ko.Bawipa Jesuh min in zangfah kan naw.Amen

Rev.Pa Hrang Hmung

Daihnak ah i dinh(Rest in Peace)

“Reithei le thilrit mi viatte hna, ka sin ah ra tuah u,dinh nak kan pek hna lai.”(Mathai 11:28)

       Laimi cu rianhrangtuan in nilin chosang a kai mi kan si.A si  na in laimi kan si nak ah a nuamh nak bik  le philh khawh a si lo mi pakhat cu,nilin chosang kan kai i kan thilrit pi he i dinh nak hmun phaklai kan i ngaih bu in kan thilrit phorh nak cung in thathawh nak ah kan van hman.A taktak ah i dinh tawn nak lungdonh maw a si lo ah thingkungnaidemtha maw kan van phak i kan thilrit kan van thumh,thlan zah nak  hau lo in thlizil nih kan thlan a van chem.,kan thaw pi kan chuah,kan thlan a dai thluamah,kan tak linh, kan thather a hung dam thluamah,kan thahri hna an i din dih ,kan mit a hungku, mitnih cheu kan mit kan i chinh,kan  rak i tthan cu ka tha a tlung colh.I dinh a nuam zia kha .Zei hmanh nih a tluk lo.Dawt mi u le nau hna na rei a thei i na thil a rit tuk maw.Thilirit thumh i dinhnak tha bik hmun cu Jesuh lawng ah a si.I dinh pah i daih te in um khawh cu mikut thawt nak a si.mit kut thawt cu tha ngeih nak a si.Tha ngeih cu bat khawh lo a si.Khirh chung ah i dinh cu, thilrit thumh cu daih nak hmuh a si.Kan tha a tlung,Hlaphuah tu nih ruah chan nak tha bik Jesuh kei ca , a ti bantuk in Jesuh sin ah i dinh i kan ruah chan mi cu Jesuh sin in a si poh ah cun Zei hmanh kan tlolh lo.Ruah chan mi hmuh lo ti a um lo.Kan i ruah chan mi kan hmuh mi hna zong nih daih nak,lawmh nak an hung rat pi.Thangthat nak he an ra.Lungrei theih nak an chuah pi chih lo.Cu vialte cu i dinh nak chung in a chuak mi tha zang an si.Cu bantuk hmun hma cu vawleicung chawva le fim nak ah a um lo.Khrih chung lawng in a si.Jesuh nih nem te in a kan sawm.rei thei le thil rit mi vial te hna ka sin ah ra tuah u,dinh nak kan pek hna lai, a kan ti. Daih te in i dinh nak hmun cu Jesuh  lawng lawng ah a si.Daih te in i dinh ve ding ah kan sawm.

Thlacam.

Maw ka pa, na thiangthunh le na tanbo nak in hna ngam nak tlamtling vawlei cung ah a chuah pi kho an um lo.Hi biathiang a rel mi vialte hna nih nang mah sin ah daih nak he i dinh nak an hmuh khawh nak hnga,kan Bawipa Jesuh khrih min bo chan in zangfah kan nawl.Amen

Rev.Pa Hrang Hmung

Jesuhkhrih hi a rathan hrimhrim lai

    Jesuhkhrih hi a rathan hrimhrim lai.(It  is sure. Jesus will come a gain)

1.   Maranatha  Bawipa ra cang tuah .(1Kor 16:22)

              Jesuh cu vawlei cung ah a ra than lai.Jesuh a rat than nak ding cu Paul ca ah lung lawmh te in a ruah chan peng mi a si.Jesuh khrih hmuh ding cu a tih lo .A ngaih tuk.Hngak zong hi har a ti lo. Cu ca ah Maranatha Bawipa ra cang tuah a ti phah a ngaih tuk nak ah.Cun Johan zongnih    a mah Jesuh hrimhrim nih tuan ah ka ra than hrim hirm lai a ti bantuk in "Amen.Bawipa Jesuh ra ko cang" a ti ve.(Biathlam 22:20)Titus sin ah pawl ca kuat ah cun "cu Pathian vel nih cun Pathian zei rel lo in kan nun tawn nak le hi vawlei cung pumsaduh nak hlawt kha a kan cawn piak i hi vawlei cung ah hin mah le mah a uk kho mi si awk le din te in nun le Pathian tih zah in nun kha a kan forh.A lian ngan mi kan Pathian le kan khamhtu khrih sun par nak kha a langh tik ah kan i ruah chan mi cu a tling lai.cu   lai ni cu ngan ngan ngai in kan hngak ko".a ti rih.

           Paul thiam thiam nih hi ti hin a ti rih cuh."Cun kan nih cu vancung ram mi (The citizen of heaven) kan si i  kan khamh tu Bawipa Jesuh  vancung in  a rat lai kha ngan ngan ngai in kan hngak ko"(Philip 3:21)Kha! Van cung ram mi hna cu Jesuh rat lai an i ngai hi mu.U le nau hna vancung ram mi ca ah  ram uk tu bawi pa hmuh lai an i ngaih cu a kal ning te a si ko.Mah uk tu sin  ah si lo in pengtu dang sin ah sau um cu an zuam ti lo.vancung ram si nak tak tak rak kan khuh cang seh ti cu an duh hring hran awk a si ko.an maawh lo.nai tel ve maw.Zei ram mi dah na si ti zong nih cun a ngei ve hoi lai hi mu.Ameiricam mi,kawlram mi hna si peng lam ah cun i ngai ding le ngaih lo ding a um lai lo.

          .Bawi pa Jesuh nih ka va kal lai i nan um nak ding  ah a khan dal ka va remh lai i nan mah lak ding ah kei mah hrimhrim ka ra than lai ti a si.Mi cheukhatnih cun  Jesuh ratthan nak ding hi an zumh lo pin ah a herh lo an ti.Cun Jesuh a rat than le rat than lo a bia pi lo a sin ahkan um  ah cun a za ko.A herh nak a um lo an ti.A si na in Jesuh nih a herh lo mi pi cu voitam tuk a chim hnga maw.A rawk lo ding bia, a pelh kho lomi a bia, a bia bantuk tuk in a tuah tak tak tu cu Jesuh pakhat lawng a si.Cu ca ah a herh lo mi pi cu ka ra than lai a ti bal ding a si lo pin ah a herh tuk ca ah ral ring an kan pek i timh cia te in um zong a kan fial.

          Jesuh hrim hrim nih"Cu ruang ah cun nan nih zong timh cia te in nan um zung zal awk a si.Zei ca ah tiah mi fa pa cu nan i rin lo can ah khin a ra ko lai."(Mathai 24:44)A ti bak ko cuh.Cun "Ka va kal lai i nan ca i ka va timh dih hnu ah ka rak kir than lai i ka sin ahkan lak hna lai, cun ka inn ah nan nih zong nan um ve lai"(Johan 14:3) Kha zei tin Jesuh nih fel fai te le fek thup in a chim ko hih ta.A rat than ding cu a fiang tuk hih.

         Van cung mi zong nih an feh ter.Zei ca ah tiah ah cun vancung mi hi Pathian programme theih pi tu an si ve.Pathian  duh nak le tuah ding mi chim chung tu le a feh ter  tu an si.Teh teh an ti nak si cu.Jesuh a rat than nak ding kong zong ah hin hi tihin an chan lio  i van cung a kai lio a hmu mi hna Galali mi sin ah "Galali mi hna zei ca ah dah van ei zoh in an dir ko.?nan sin in van ah a kai mi Jesuh hi,van ah a kai nan hmuh bantuk te hin a hir than tiah an ti hna.(Lam 1:11)Kha vancung khua mi hna na Bawi pa rat ding cu lung aw tawm in na um ti lai maw.A rat tik ah na mui an hliah lo tik ah i ngai chih hlah.Nang mah nih pei a mui na hliah hmasat lo cu.A aw zong na theih bal lo ah zei tin dah a aw cu na cin kenkhawh lai.Na aw cu zei tin dah an cin ken khawh khe lai.A mah bel te cu a mah a zumtu han a m hna ca ah ah cun, ka tu hna cu ka hngalh hna i an ka hngalh ve.Zei tik hman ah ka thlau bal hna lai lo a ti.Haleluiah.Amen.A ho hmanh zong nih an ka chut kho lai lo.Zei ca tiah ka kut chung ah ka sum cang hna i ka thlah ti hna lai lo a ti  OK good.Pa thian a tha.Bawi pa ra ko cang.Na pen nak cu hi vawlei cung ah tlung ter cang law  i nuam cang uh sih.tiah au ve cang tuah,. Peh than ding

   2.Zeitin dah a rat lai.

              Jesuh rat than nak ding kong hi tha te in   chimchung a si dih cang.A rat tik ah hin  van le vawlei uk tu a lian ngan Pathian huham in a khat i a thianghlim nak nih zei hmanh nih a tluk lo tu Jesuh cu lianngan sunpar nak he a ra lai.Vawlei cung ah a ho hmanh an tluk kho lo mi a lalang conghtu  he huham he vankhin a rungtum lai"Mifa pa cu,lianngan nak he hi vawlei cung ah a rat tik ahvancung mi cu a mah sin ah an ra ve lai."(Mt 16:27)Vancung mi cu a mah conghtu le sunluaiter tu an si bantuk in vancung mi kilkamhhuham pek nak he a ra lai ti nak a si cuh.A rat tik ah cun a hmaika ah kan kun hna lai i laksawng  lak ding ah hngah cio a si lai.Zei ca ah tiah hi hi a mah nih a chim chung cang mi a um."Mifa pa hi ka pa sunpar nak in tuan ah ka vancung mi hna he ka ra lai.Mivialte kha an riantuan ning cio in laksawng ka pek hna lai.(Mt 16:27)Zei laksawng cio dik kan lak cio te hnga.Paul nih a chim chimchung ve mi cu ,"minih a tuh mi cu a zun ko lai.A pumsa duh nak lo ah a tuh ah cun thih nak kha a zun lai,thlarau lo ah a tuh ah cun Thlarau nih zung zal nun nak kha a pek lai,Cu ca ah that nak tuah kha leiba hlah uh sih,kan ngol lo ah cun a thei tlai kan zun can kha a phan ve te ko lai.(Kalati 6:7)Hi ah hin a hlan kan in lak sawng kan hmuh ding mi a hmet a ngan le zei bantuk ti cu kan mah te in i tah chung khawh pah cu a si ko lai hih.

      Huham he a ra lai.Zei tin tiah "Mifapacu vancung minmei cung khin huham he a rat kha an hmuh lai(Luke 21:27)Zumtu hna nih le timh cia in a um mi hna nih cun Zisuh khrih huham he van a rat kha kan mit in kan hmuh lai i kan tlolh hrim hrim lai lo.Zei tik cu kan thei lo na in zeitin ti cu a kan chimh. zeibantuk can poh ah a rat zong ah nu ngak pa hra lak ah panga nih nupi thit tu pa an tawn khawh bantuk in, timh cia in a um mi a fa le rual cu a mah he kan i tawng hrim hrim lai.Zei ca ah tiah a rat ding ni khua cu Pakut ah  um ko hmanh seh law zei tin dah ti a kan chimh pin ah a ta a si mi kan nih ca ah cun hngalh lo awk a tha lai lo.An kan theih lai i kan theih ve lai.A mah cu  mopa a si lai i kan cu monu kan si lai i zung zal in i then ti lo in vanramnuam  kan ser cang lai.Cu ca ahMaranatha Bawipa ra kocang tiah an au len nak cu a si.

        Ci tik ah cun vawlei cung ah a mah a zah pi mi hna cu Pa hmai ah zah pi an si ve lai i mihmai ah a zah pi lo lawng si lo in a si nak a sun par nak a langh ter i a hlawrh tu hna cu,pa hmai ka hlawrh an si lai zah pi an si lai lo ti mi cu a tling lai.."Mifa pa hi ka pa sun par nak in vancung mithiang mi hna he ka rat itk ah ka zah pi ve hna lai(Mark 8:38)

3.Zei tin dah kan theih lai.

          Vawlei cung bawi hmanh khua an tlawng tik ah ram mi hna theih lo awk tha lo in a um na lak ah van le vawlei Bawibik rat nak thawng pang cu theih lo in zei tin dah kan um hnga.Hi tin hin a si lai."A rat tik ah cun  muko  nganpi an tum lai.(Mathai 24:31)Paul nih hi tin hin a ti ve.Muko hmahnu bik a ti mi hi Jesuh voihnih ratnak he ai pehtali in a chim mi a si.(1Kor 15:42)Cun authawng   vancung Bawibik authawng Pathian muko authawng cu a hung thang lai.(1The 4:16)Cu ca ah Jesuh a rat tik ah cun hmur ka in chim khawh lo mi hmual le huham a ngei lai.A thi mi le a nung mi theih dih ding in a hum ham le a can cu a tling lai.

     Cu ca ah u la nau hna cu can cu na ruah lo pi can ah a si lai ca ah ralring te le timh cia in na um a bia pi lai.Hrelhsual mi kan si lo nak ding.Ka tu cu ka hngal hna i an ka hngalh ve a ti bantuk in hngal i le theih mi na si ve awk kan duh piak ko.A can a um lio te ah hin a ta na si la si lo i fiang tuah. Arat tak tak tik ah cun zei tik hmanh ah nawl pat le a zukhan a ngah ti lai lo.A can a um lio te ah hin  a chung ah a um mi na si i fiang cang tuah tiah kan sawm."Mifapa cu van ah nichuah lei in ni tlak lei tianga lek mi mintlaubantuk in pei  a rat lai cu".(Mt 24:37)

Pathian nih thlauchuah pe ko seh.Amen

Dawtnak he,

Rev.Pa Hrang Hmung

Zungzal kan umnak ding kan inn (Vanram)

        

 "Khrih nih a kan pek mi ruah chan nak hi a tu kan nun chung ca lawng a si ah cunmivialte lak ah zang fah awk tlak bik cu kan mah hi kan si hnga."(1Kor 15:19)

An i ngaih cio.

         Mokok Chin Baptist Church i kan u pa  Kung Kung  nu cu Mandalay Si zung ah a rak i tholp i kan nu pa in kan va zoh.Hmaipanh ngai khin a  rak kan chawnh.A fa nu te cu a mit hmai a tha lo kha ka hei ngiat khawh.Kung Kung nu nih cun a kan chim thlua mah mi cu saya pa ka fa  le pawl le sayamah  pawlnih hin an ka hlen mi ka theih tuk ko.sii zung riantuan pei ka si cu,Cancer ka si kha si bawi te nih an chimh hna i dah kaw   a lung a rawk tuk sual lai an ka ti i an ka chim lo cu,an thei lo tuk,Kan fa le USA an phan ti thawng kan theih hmanh  ah kan i lawmh tuk va si kaw,zungzal nun nak kan inn vanmram, tuan ah phak cu zei tluk in dah kan ngaih kha an thei thiam lo ca ah a si.Vawlei cung ah sia herh mi ka ngei ti lo.Ka fa le an tlei dih cang.Pathian nih hung ka la zawk zawk seh ti duh nak lak  ah a ti.
        Thangaw khua mi Pastor Do Maung (Hei Uk pa) kalemyoh a fa le sin ah a rak pem ve.Tar a si cangna in ai din thiam lo Inn kip thla cam le  pumh khawmh nak kal in a ti khawh tawk Pathian rian a tuan peng.Zing khat  ah a fa le sin ah a chim mi nih an khua ruah a har ter hna.Ka inn ah ka tlung cang lai.Van cung mi nih an hung ka la cang.Puan rang a aih mi vancung mi nih an hung ka auh lengmng cang a ti.A nun lio ah vanram mi he an i tawng diam cang,Cu hnu  ni hnih khat ah zing lei  a tho ti lo i an va zoh tik ah a inn ah  a kal cangkha an hmuh.Zei tluk van tha dah an si.An nung lio ah van ram an kal ding theih cia a si.
        Yangon Myohdagon ah Pathian  nih ahman tak tak mi  Rev.Htun Iing thih thawng Rev.Kip Thian Pau nih a ka chimh.A kong ka hal tik ah  a zaw hnu ah dam nak ding thla cam zong a duh lo i si in tholp zong  a duh lo .Vawlei cung ah Bawi pa rian ka lim cang.Ka pa nih a ka remh piak mi ram ah hi vawlei har nak hi kal tak in kal ka duh cang tiah a ti  i lung lawm te in a thi ko cu ta a ka ti.A si ko.Paul nih tei nak a hmanung bik cu thih nak a si  ti .Zumtu hna ca ah thih nak cu tei a si cang i nun nak cu  pek kan si cang.Cu nun nak cu zung zal thih ti lo nak van ram kan inn cu a si khe cu ta

        Ka pa Rev.tluang Hmung hi a thih hlan in a thih hnu tiang ah a dawt mi khrifa bu pawl nih van ram a kal kha an hmuh leng mang.Ka pa a thih hnu hnu,  tang 5th ka kai lio ah kan pa ka hmuh i  a ka chimh  mi cu "ka fa nang mah ca lawng ah thla cam hlah mi dang ca ah thla na cam zung zal lai mu" tiah van ram in in a hung ka chimh bal.A tu tiang ka philh kho lo.

     Paul zong a angaih tuk ve "kan nih kan umnnak, vawlei cung kan pum hi theh a si tik ah vancung ah khi kan um nak ding ca ahPathian nih inn a kan pek lai ti kha kan hngal.Cu inn cu a mah Pathian nih a sajk mi inn zung zal hmun ding mi inn cu a si..thih thiam mi kan pum sa hi hi vawlei har nak chung ah hin a hrum a ai leng mang.A si na in  thih thiam lo nak van ram ka hngakhlang ngai   hngai.phakzawk zawk ka duh cang.Hi har nak chung ah hrum ai leng mang nak cun ka um nak inn  van ram tuan phak ka duh tuk cang.A si na in ka nun rih cu nan mah zong ka sin ah na rat ve i  na inn na  palh sual nak hnga lo ca ah lam hmuh sak kha a si" a tibak ve.

     Zisuh vawlei cung ah a um lio ah vancung ram a ngai tuk cang i vancung ram mi a va chawn ta hna.Cu ah cun a mah lawng si lo  in Pater le Jeim le Johan a kal pi hna.Tlang cung an hung phak tik ah Minmei ah khin huham lian ngan nak he a um nau a phan cia mi Elizah le Moses he bia an i ruah len ko kha Peter nih a hei hmuh hna.A nuamh zia kha Peter nih a theih tik ah  zei hngal lo in Saya pa kan hi ka ah hin um lan ko uh sih a nuamtuk.Thlam sa uh si tiah  a hei ti kha.  Kha lio ah khan Peter nih vanram thlam a hmuh kha a thei lo kho men nain a nuam zia cu kal tak a siang ti lo.A hnu ah cun Pater zong a ngaih tuk nak ah thih zong zei ti phun in thih zong ah a tih ti lo.Van ram ka ta a si ti a hngalh tuk nak nih vawlei cung har nak hi cu zei a rel in a rel kho lo.

     An van a tha khun mi cu Elizah le Enock an si.An nih  pahnih tu cu an nun bu bak in van ram ah a lan mi an  si.A si na in hngar tuk ding an si lo.A tu lio i a nung mi  hna hi an mah bantuk in kal khawh nak ding programme a um ko kha.A can bel te hngah cio  a si ko.Tlolh sual lo bel te cu i ral ring kan hau.Zei ca tiah mit thep kar ah a si lai ti a si ca ah timh cia in kan um a hau lai kha muh.Philh hrim hrim.hlah tuar  in nak fah nak um lo te in vanram ah lanh nak lam a kan sial piak tu Pathian min thang that in um ko seh.

         Mi rum pa le Lazaruh bel te cu  ngaih chiah an si ko.Zei ti i let awk a tha ti lo.Vawlei an nun lio ah an nun ning an i thlautuk bantuk in an um nak ram an panh cio ve ve tik ah an i thlau tuk ve.Lazaruh cu a kal cia mi Abraham te pawl nih an hung dawng sui in tamh mi tuan tung lo i ei leng mang tung i zei hmanh chambau nak pakhathmanh ngei lo in lawmh nak hla lawng sak nak hmun ah cun tlahuar in a um cang.A mah bel te vawlei cung an um lio a rak tih zah tuk in an inn hmanh luh ter lo in a til tawt hal in huham ngeih tak tak in a rak nung mi a bawi pa mirum pa tu cu zangfak a si.Zei ti awk a tha ti lo.Bia ceih piak than ding lam zong a um ti lo.Azukhan zong a ngah ti lo. Lazaruh kha a nawl len zong ah an um nak hmun le hma nih a ngeih cang ca ah zei ti hmanh in bawmh awk a tha  lo.A tu tiang cu tin cu a um ko .A poi ngai ko.Zei tik awk tha vawlei cung a nun lio can a um lio ah zei rel lo huaha in a um mi cu ti,zang fah awk tuk cu a si lem lo.A mah a thim mi te a si ko.

   1948 kum hrawng Korea ram Japan pawl uk nak tang ah an um lio ah Pastor Yang won Sohn hi a ram mi hna vanram kal pi a duh tuk hna i micung ah ngaih thiam dawt nak le lung sau nak he Pathian rian tuan tu a si ca ah a min ah(Nick name)an pek mi cu (Nuclear  bomb of Love) an ti phah. Hi pa hi can har saling ah Pathian rian bia tak te in a tuan.Japan pawl nih a tu le a tu thawng an thlak zong ah Pathian thawng tha chim a ngol hlei lo mi pa a si.A lahkhah won 80 a si lio ah cheuhracheukhat won 10000 a pek kho mi pa a si.Ni khat cu a fa le tlang val pa hnih USA ah fathur study tuah dih timh tuah cuah mah mi hna pa hnih kha misual pawl nih Jesuh an zumh ruang ah mi thal in an kah i an thi ve ve.Cu lio ah Pastor pa Yang Won Sohn nih a chim mi cu " an nih ka fa le pa hnih cu America ah ca cawn ding in timh tuah nak a ngei mi an si ko na in USA nak in a tha deuh mi hmun ah an kal ca ah Bawi pa ka thang that"a ti.Ka fa pa le pum pek nak thawng in vanram ah vancung ram ah duhdim theitlai kan hmuh lai tiah ka ruah ca ah Bawi pa ka thang that" a ti rih.


           Kha u le nau hna na um nak tak vanram na ngaih kho ve maw..
Kan um nak ding khua le hmun le hma a khan dal remh chung ding ah a kal chung tu Jesuh cung ah i lawm uh sih...........Peh than te ding.


Rev.Pa Hrang Hmung

...................................................................................................................................................................................,

Zung Zal kan um nak ding kan inn(vanram)....a peh

 Ruah lo pi in kan i palh.

 Kan i palh bak lo tiah kan ruah tawn mi te te hi kan i ruah lo pi in kan rak thei thlu lo bia ah kan i palh mi a um tawn.Kan i palh kan theih tik ah cun a tlai tuk tawn pin ah  zei ti awk a that ti lo can a tam pi.

Tlanglawng a palh mi  Pastor.

         Chin Baptist church  wehkhah i kan Pastor nu cu a khrifa u pa pakhat he an Biak inn sak nak tlawm hal ah kan Association khrifa bu ah an tlawng i an i lim cang ca ah Phankanh kir ding an si .Tlang lawng lehhmat an va cawk i sayapa upper class kan hmuh tiah lung lawmh ngai in a hung ka chimh.A thai zing cu kal cu a hung za i an i thawh.Tlanglawng dinh nak cu an phan i an i cit hnga mi tlang lawng cu ready in a rak i um cang i an thil ri a tam pah ca ah a lut cawlh i an thut nak number te ah cun tuan nawn  in an thu chung cang.An ba cang i sayamah nu cu a ngut hna  a ngu pah cang.Tlang lawng a thawh nak ding minute panga a duh ah hin ruah lo pi in minung pahnih an leh hmat he an sin ah cun an hung chuak  ai.Thin hun nawn cun saya mah nih cun kan lehhmat tha te in a hman mi a si kan number hi zoh uh tiah cun a he rak chih hna.A buai cang i ti awk hngalh lo ah  tlanglawng cawngh tu pa kha an hal.Tlang lawng cawngh tu pa nih cun sayamah  tlanglawng cung ah na um cu a hman,a number a hman.upper class a si zong a hman asi na in a tlanglawng na palh.Nangmah cu Myitkyina kal ding na  si  i  na cawk mi  ticket zong hi Myitkyina ta a si.A si na in an thut nak tlang lawng hi Yangon kal ding a si a ti i a  ar ko.A tho zawkzawk i an thil an thumh hnu ah Myitkyina tlanglawng an hlat tik ah cun a kal nak minute 30 hrawng a si cang an ti.A zei poh timh cia in ka um a ti i lunghmui ngai in a rak um ko na in ai cit ding tlanglawng a palh ruang ah a duh nakhmun a phan kho ti lo.Cu ban tuk in van ram kan ta a si kan ti lio ah  a kal nak lam  kan i palh sual a si ah cun a poi kho tuk lai.Kanpalh tiah kan theih tik ah cun a tlai tuk  zong a si khawh men ca ah van ram kal nak ding lam tha te in kan i fian cu a herh herh hrim hrim hawi dawt.

Kan kal nak ding vanram lam cu hi tin hin a si.

    

          Kan ZBC hla ca uk chung ah"Van cung khua vailam tah lam in kal a herh hi hlei lam dang a um lo"tiah kan hmuh.Cun Jeush nih "Kei mah cu lam le bia tak le nun nak cu ka si.Kei mah in dah ti lo ah cun pa sin ah a ho hmanh an  phankho lai lo" tiah fiang te in a chim.Zei hmanh khi ruah len ding  a um lo.Lam pa khat lawng a  um.lam dang  aum lo.Cu lam cu Jesuh a si.Cun a chim rih mi cu  "kei  mah sin in a  lut lo mi cu mifir le damiah an si" a ti rih.Van cung khua  hi i zuam nak zong in a si lo.Thawhlawm pek nak i nawh thuh bantuk in zong a ngah mi a si lo.Khrifa kan si nak kum 2000 a si cang zong ah a ngah lo.A rian ah i zuam tuk i fel nak zong in a si fawn lo.Kha vialte  hna  tuah nak thawng in van cung ram kal ai timh mi cu mifir le damiah ah hmuh a si.Zei ca ah tiah a lam lo in lut ai tim mi an si ca ah a si.Jesuh dah ti lo cu lam dang a um hrim hrim lo. A mah a zum mi pauh pauh cu an thi lai lo.Zung zal nun kha an hmuh lai ti bak a si ko.Zumh nak thawng in nun a si.Cu nun nak cu kan tuah nak pakhat hmanh tel hleng lo in khrih thisen ruang ah miding in cohlan kan si i  a ta kan si.Khrih thisen thawng in thian co ter kan si i thiam co ter kan si.A thisen thawng in misual kei mah cu miding ah hmuh ka si ti a zumh mi poh cu zungzal nak ca zin chung ah minkhumh colh asi.

      A hlawk nak cu voikhat minkhumh cang hnu ah cun hrawh than ti a um lo.Voikhat ah za lak in khamh kan si cang. Tuah nak thawng in vanram phak ai tim mi cu  Mytkyina kal ai thawh ko na in Yangon tlanglawng ah a thu mi he kan i lo.Tlanglawng i palh ah cun duh nak khua cu tlolh bak   a si ko.U le nau hna  vanramnuam kal nak lam na tlolh i na palh sual lai ti ka phang ko. Hmunkhat te ah kan kal khawh nak hnga kan Bawipa Jesuh khrih cu zumh law kal nak ding lehhmat  cu pek na si ko lai. Cu bantuk zumtu hna ca ah cun vawleicung kan nun lio i kan tuah mi le kan pek mi poh cu Jesuh nih na um nak ding a khan dal tamh nak a hman khawh cang laiNa va phak tik ah cun a zumh hmanh na i zumh te lai lo.Jesuh  cu a fel tuk i natuah mi  poh poh  kha tha te in ca zin ah a khumh lai ,a hme bik mi na tuah mi hmanh kha an thlau piak hrim hrim lo.Na tuah mi le na chim mi nai theih manh lo mi tiang kha fel te in an hman piak lai.

       Na va phak ti ah nacazin fianternak a tuah  lai i nai zum lei lai lo i zei tik ah dah na zawt kan zoh bal i thawng natlak lio ah kan bawmh bal na ti te lai.Cu tluk cun vanram mi hna ca ah tuah mi tuan  mi poh hi hmual a ngei lai.A si na in zumh lo bu i khrifa  a si ti tung mi hna ca ah na tuah mi poh cu Hell ram mei phu tha deuh in a tik tu a si ve lai.Na tuahmi thil poh cu hell ram mei hmuahtu le tha zang cah ter tu an si lai i na va phak tik ah hawi nak zong in a lin deuh mi ah na um kho men.

        Cu ca ah u le nau hna kan i timh mi vanram nuam kan tlolh sual lo nak ding ah biatak te in khua na ruah i na hlat hlai i na tawngtham i na chek i na zumh ning na fian ding ah kan sawm ko.Cu lo ah cun  na ruah lo kar te ah can nih an dih tak sual ah cun na ngai chih len zong ah zei hmanh a chuak te lai lo.U le nau hna hi tluk zangfah nak a ngan mi Jesuh khamh nak cu a lak in hmuh a si chung ah hin rak ra law zumh law a mah nih an kan chimh mi lam ah cun hmun khat te in kal ti uh sih tiah kan sawm.Cu Cu na nun chan ka nun chan a si mu.

Pathian nih thlauchuah i pe seh, a ram a luah tu na si nak hnga thluachuah i  pe koseh.

Dawt nak he,

Rev.Pa Hrang Hmung

NA INNPA NA DAWT KHO MAW ( LOVE OTHERS)

                                Rev.Pa Hrang Hmung

                                Bible Sunday

                               Lai Baptist Church

                               Mandalay.16.8.2009

        Kan Baibal ca hi a ngai ngai ti ah cun DAWTNAK  KONG  tial nak

a si.Cu nak in a hman deuh rih mi cu Pathian nih  minung a dawt nak

kong a si.Dawt nak in a thawk i dawt nak in a dong.Cu pin  ah Pathian

nawl bia lak ah a ngan bik cu Dawt nak a  si.Pathian kha na thin lung

dih lak le na nun nak dih lak in na dawt lai.Cun Na inn pa kha nang

mah nai dawt bantuk in na dawt ve lai. Pathian kha daw law mi dang

zong kha daw ve hna ti a si ko.(Love God and love others)(Mark

12:29(Deu 6:5)

            Jesuh a thawh than hnu ah Peter sin ah hi hin a hal.Johan

fa pa Simon hi hna nih an ka dawt mi nak in na ka daw deuh maw (Johan

21:15) tiah bia a hal tik ah hin, Peter kha khua a ruah ter mi cu.!.

1.Zei ruang ah dah Jesuh nih hin hi tluk hin dawt a duh hnga

2.Zei ruang ah dah ka dawt nak cung ah hin lunghrin nak a ka ngeih

hnga ti hi a si.

       Zei ca ah tiah Jesuh a bia hal nakcung ah a lang ngai mi cu a

bia fang a hman mi  ah a a lang.Voithum a hal mi chung ah , voi hnih

 hi Agape a  hman.A sul lam cu Peter kei mah nih kan dawt nak cu

pumpek dawt nak in kan dawt ,Nang mah nih tah pumpek dawt nak in na ka

daw ve maw ti hi asi.

Kei mah nih kan dawt tuk ca ah ka nun nak kan pek,Na ka dawt nak hi na

nun naka pek tiang dawt nak a si  maw ti nak a si.A pa thum nak a dong

nak  a bia hal nak  a hman mi cu phileo ti mi bia fang hawi kawmdawt

nak kha a si,Hawi kawm bantuk in na ka dawt ah cun na hawi kawmkha

nangmah kandawtban tukle na ka dawt bantuk in  va daw ve hna.( Katurun

kha va zohkhenh hna) a ti nak ah hin kan hmuh khawh.

            " pa khat le pa khat a daw lo mi  nih cun Pathian kha an

hngal lo.Zeica ah tiah Pathian cu Dawt nak a si.(Johan 4:8)Pathiana

dawt mi hna nih cun midang kha a dawt+ hrim hrim ding a si.Pathian ka

dawt a ti tung i mi dang a dawt lo mi cu Pathian kha a dawt tak tak lo

ti nak a si hnga.Pathian cu dawt nak a si .A si na i hi ka zawn ah i

cin ken ding ka duh mi cu Dawt nak cu Pathian a si lo ti hi a

si.Midang cung ah dawt nak cu Pathian sin in a ra mi a si bantuk in

nun pek dawt nak kha a si awk a si.Theih thiam nak pa khat  cu,

         Theserawn ah minung pa hnih khual a tlawng .Pakhat pa  a mah

ca ah din awk  in a za in a ken.A hawi pa cu ti a ngei lo.An pa hnih

in  zatcio in an i then i an din ah cun an thi ve ve lai.Cu ca ah a

ngeitu pa nih a hawi pa kha pek lo in a mah nih a din dih i  a hawi pa

cu ti din awk a ngei lo ca ah a thi.Zei ca ah tiah a mah le a mah a

dawt ca ah ti a phorh i a phorh bantuk in a nung ve.A daithlan ca ah

din awk a ngei lo i a thi.A dik ngai ko.A si na in khrih Jesuh dawt

nak cu kha bantuk khan a si awk a si lo.A mah tu kha a thi lai i a

hawi pa nun ter kha a si,Cu dawt nak cu khrih sin in a hung luang mi

dawt nak cu a si.

" A ho hmanh lei a ba hlah uh,nan i bat mi cu Pa khat le pa khat i

dawt lawng kha si ko seh"(Rom 13:8) kan inn pa cung ah a zung zal in

dawt nak leiba kan ngei.kan cham zung zal hna awk a si.Kan dawt nak cu

an cung ah a phun in kan langh terkhawh hna.Dawtnak  nih ngaih

thiamlhawh lo mi sual nak a ngei lo.Ngai thiam nak ding ah ri khiah mi

a  um lo.Zei bantuk lungtlin lo nak, zei bantuk sual mak le zei bantuk

hmun hma hmanh ah  Dawt nak nih a lawnh khawh lo  a um lo.Cun Jesuh

hrim hrim zong nih voi sawmsarih let sarih in ngaih thiam ding a kan

cawn piak rih.A sual hmanh an sual cawk lo tiang in ngaih thiam ding

ti nak a si.Ni khat chung ah kan cung ah voisawmsarih sual ding cu a

fawi lo.Cu zong cu ngaih thiam a hau.A zung zal in kan ngaih thiam hna

awk a si ti kha a si ko.

           Kan thangthat nak hla ah kan hmuh mi cu Dawt nak um nak

hmun ah cun zei zong te a  rem,Khualtlun nih an i lawm i lung lawm nak

a tam.A petu nih dawtnak in a pe a co hlan tu zong nih dawt nak in a

co hlan ve.Voikhat cu vanram ah le hell ram ah rawl dangh nak a um an

ti.Darkeu an pek mi hna cu lam khat a sau ti a si.Hell ram ah cun an

ei kho lo pin ah an rawkheng zong an thlet dih i  rawl tam in an um.A

si na in Vancung ram ah cun  lam hla pi ah a um mi hna kha  dawt nak

zawn ruah nak in an darkeu nih a va bantawk cio in an  i ter cio i an

paw a khim dih ti a si.Dawt nak  le zawn ruah nak lung put cu midang

zong an i lawm i mah zong lawmh nak hmuh a si.Dawt nak a um nak hmun

ah cun  a tlamtling lo ti hi a um kho lo.

           A ho hmanh mah ca lawng ah kan  nung lo,a ho hmanh mah ca

lawng ah kan kan thi lo.kan nun ah cun Bawi pa  ca ah kan nung i kan

thih ah cun Bawi pa ca ah kan thi.(Rom 14:7)Hikan Baibal nih a langh

ter mi cu ka nun nak cu Bawi pa ca ah a si.Pathian dawt nak taktak a

thei tu hna ca ah cun mi ngaih thiam an i harh hrim hrim lo.Zei ca ah

tiah, thih tlak sual nak chung ah a nung mi an si nak chung in,Ngaih

thiam an si nak nih an nun ram ah Pathian dawt nak cuai an thlai,a

khing a thlai ter.Cu tluk a ngan mi Pathian dawt nak nih,ngaithiam

khawh lo mi sual nak um lo ko in a nun a ser siam .Mi a ngaithiam

khawh nak nih Pathian fa a si  nak a langh ter i Mi cung ah a tuah mi

cu Pathian  sun par nak ca ah asi.

           Ngai hmanh Steven bia.Mi  dang cung ah si lo in a mah cung

ah thih tlak sual nak a tuah mi hna kha,  maw ka pa a ngan mi na dawt

nak ruang ah ngaithiam kan si kha an theih rih lo ca ah, hi tluk

puarhrang in lehrulh rian an tuan.Ngaithiam ko hna.Hi tluk in thih

tlak sualnak a ngei mi kan si na in ngaih thiam kan si an si kha an

theih lo ca ah a si.Maw ka pa Zei dah kan tuah ti hmanh an hngal lo ca

ah ngaihthiam ko hna    ti in ri a ngei lo mi Dawt nak in a ngaithiam

hna.

           Pathian bia nih dawt a tlak mi lawng dawt i dawt a tlak lo

mi dawt lo cu lawki mi zong nih an tuah khawh  mi a si a ti.A si na in

kan nih cu  dawt ai tlak mi zong dawt i dawt ai tlak lo mi zong dawt

cu Pathian nih an kan cawn piak mi nun a si.Kawl holh ah

(Apuihtabaw)an ti mi khi dawt nak bia  ai tel ka ti.Cawn piak tik ah

duh piak nak he cawn piak a si i hnatlak lo nak langh ter tik ah dawt

nak in a theih khawh lo mi theih khawh nak ding ca ah theih ter cu

dawt tak tak a si.Lung thiang te in (A puihtabaw ) in Pakhat le pa

khat kar lak a chawn bia kho kan si ah cun kan bu chung ah kan inn

chung khar ah  kan um nak poh ah a rem lo nak a um lailo dah ka ti,

    Kan i dawt nak hi lung thin tak te in a si awk a si.Thil tha lo

khanhua hna uh law , thil tha kha i tlaih peng uh, pa khat le pa khat

kha khri ah u nau bantuk in i dawt cik cek uh law ,Pa khat le pa khat

kha i hmaizah uh.(Rom 12:9)Lam kal tu ca uk chung ah penticost i

thlarau an hmuh i an i dawt nak cu khrih tthlarau nih a tem tawn hna

ca ah an i daw nak cu a tlamtling.Lung thin ah an i khat an ngeih mi

tiang i hrawm  tiang in an kar lak ah dawt nak a tlung.Lam kal tu hna

lak ah hin an sinak tak tak ah cun Simon Zelot nih hin  Rom cozah kut

tang ah riantuan a si mi Mathai kha a thah hnga.Zei ca ah tiah Zelot

nih thah ding in a tuah mi cazin ah hin Mathai zong ai tel.A si na in

khrih ah cun kha vialte an hlawnh i hmun khat ah Pathian sun parnak

ding ca ah  an ttang ti.Dawt nak nih a lonh khawh lo mi  a um lo.

     Dawt nak ah ah cun ka chim mikha ti a um lo,Kei ka ruahmi

thengmang ti zong a um lo.Kei mah ka tuah mi ti zong kha bia pi ah a

chia lo.Dawt nak cu zei tik hmanh ah a lung a dong bal lo.Dawt nak cu

a mah zawn nak in mi dang zawn a ruah deuh hna.Dawt nak nih ka tuah

kho lai lo ti a um bal lo.Dawt nak nih cun a mah zawn nak in mi dang

that nak kha a ruat deuh zung zal.Dawt nak cu a zung zal in a tha bik

mi kha(the best) a zuam peng.A si cia mi a tha lo mi kha a cin ken

lo.A si nain a tha bik mi he a doghnak tiang a kal.

     Nahawi kha va soihlah

     Na hawi kha va rilh ter hlah

     Mi dang kha lawmh ter hna uh.(Rom14,15) cu cu dawt nak tak cu a si.

    Pathian nih zei dah a tuah ti kha ngiat zung zal.Cun tuah ve i

zuam.Nakchia nih nu le pa sin in an cawn bantuk in nang mah na dawt

bantuk in na in pa kha dawt i zuam.Pathian nih zei tluk in dah an dawt

ti kha hngalh i zuam.Pathian he um ti i zuam law,dawt nak nun kha cawn

i zuam tuah.Jesuh nih a kan dawt tik ah zei tik hmanh ah kan sin  in

zei tal hmuh ruah ah a si bal lo.Zei zong vialte pek in a kan dawt.

    Fa le hna dawt nak kong hi a chim lawng chim ti hlah uh tuah cang

uh(1John 3:14-18)Kan i dawt nak hi peh zulhuh sih law Zei ca ah tiah

Pathian sin a ra mi dawt nak a si.Dawt nak tak tak mi cung ah a langh

ter tu cu Pathian  thlarau in hrin mi an si.Pathian hi a ho hmanh

kanmit in ka hmuh bal lo.A si na in pakhat le pa khat kan i dawt cu

Pathian kan sin ah a um ti langhter nak a si.Pathian dawt nak cu kan

mah hmang in a tlam a tling.Pathian kan dawt  nak cu mi dang cung ah

kan dawt nak ah khan a tlam a tling.

Pathian nih a thei kan za te ca ah thluachuah pe ko seh.Amen.