Computer a nuar tuk mi rangh ter nak 5

1.     Na hman lo mi program pawl khan a computer na on tikah arak chuak lengmang mi pawl kha, na computer na on tikah a rak chuak ti lo ding in tuah dan a si. Start >Run. Msconfig tiin tial law enter hmeh. System configuration Utility box a rak chuak lai.  Startup kha thim piak.  Program chung in na hman lo mi pawl kha zaa ter hlah uncheck na tuah piak lai. Na tuah dih khan apply cun ok.  Restart na tuah lai i a dih ko.  

  Atuah dan

                       

Pathumnak ah khan Program chung in na hman lo mi pawl kha uncheck na tuah lai.

Computer a nuar tuk mi rangh ter nak 4

Hard disk kha tawl pah lengmang ah a ṭha. All Program kha on law Accessories in System tools atang ah aum mi Disk Clearup hmeh law Files from all users on this computer  timi kha hmeh . SYSTEM (C) ah khan ok pek. A dih in aazaa ter lo mi vialte kha zaa ter dih law. Cun  OK na pek law cun Delete Files ti mi kha hmeh. Mini 5 chung ah athup mi thurhnawm pawl kha an tawl piak lai.   

Adang pakhat cu Start window in Computer ah kal law, SYSTEM (C) ah khan Rigth click tuah law properties kha click. Cun acung lei ka tial bantuk kha tial ding si ko. 

Computer a nuar tuk mi rangh ter nak 3

1.     Adang pakhat deuh cu a cung lei kan lang ter cang mi hi khan atuah dan ai lo pah ko. Window+R  kha hmeh ṭi law Run box a rak chuak lai i prefetch tial law ok hmeh. File um mi paoh kha delete tuah dih ko.

Atuah dan

Computer a nuar tuk mi rangh ter nak 2

1.  Aher lo mi file pawl khan na thian ter ah cun na computer a rang deuh lai. Adang pakhat um rih. Start cun run timi kha on. Window le R kha hmeh ṭi khawh a si ve.  %temp% kha tial piak. Ok kha hmeh law cun file um mi vialte kha Ctrl+A in Select tuah law delete tuah. Riantuan lio mi file cheukhat cu delete khawh lo mi zong um lai. 

Atuah dang

Computer a nuar tuk mi rangh ter nak 1

    

1.   Start Menu kha ranghter ding. Window start kha hmeh law Run  kha on. Regedit tiin tial piak. (Registry editor) kha chim duh mi a si. Keilei panel ah khan HEYCURRENT USER kha click.  Mah ka in khan control panel in Desktop kha thim piak. Orlei kam ah khan Menushowdelay kha Right click tuah. Modify kha thim law Value kha 0 in chia. Cun Restart  na tuah lai. Atuah dan Window+R  na hmeh ṭi lai.  

 

Na tuah theu ko lai tiah ruahchannak ka ngei.

Kan Pa Rev.Tluang Hmung tuanbia tawi he pehtlaih in Pu Thanwg Uk (Lilly pa) biahalhnak lehmi ka rak thlah than ve.

Dear Unau hna,

1. Lilly pa: Saya Tluang Hmung cu Hakha nu Pi Par Hem he an i um i, fapa pathum le fanu pahnih an ngeihnak kong kan hmuh? Atu Rev. Pa Hrang Hmung te hna, Pu Ba Za te hna khi tah an min aa tel ve lo i, keimah palh bia a si sual maw? Ka palh ahcun ngaih thiam kan hal cia.

1. VCT: Pi Par Hnem cu 1928 kum ah Pastor Tluang Hmung nih a thit i, a nu le a pa, a rualchan hna  a hoikom khupthi tual vialte cu “ dam te in mu!” tiin a semnak Hakha khuapi cu chuah tak in 1933 February 22 ni ah a chungkhar hna he Lautu ram Fanthen khua ah a rak phan. Pi Par Hnem cu a pasal Tluang Hmung he harnak le mitthli he an rak vorh mi thlaicicu a theipar hmuh manh loin 1941 ah a nunnak cu Pathian sinah aa din. Raw Dia sang an um  lio a si i, a thlan cu Biak inn innhmun ah an ser piak. Pi Par Hnem thlan cungah biak inn an sak. A thih hnu kumkhat chung, Pastor Tluang Hmung cu a fa le (4) he retheih har ngaiin khua an rak sa. Thang Aw lei a far (Ngun Huat nu) zong nih a rak um pi ton hna. Mah lio ahcun a fa a hniangbik Elijah (Daw Par pa) cu kumkhat le cheu hrawng minung a si i, a nu he kup le hnamh kha zeidang nakin a sunsak bik lio caan a si.

Pastor Lunghnemtu ah Pi SungCia a thit.

A nu pi pi Par Hnem a thih hnu kumkhat a rau hnu, 1942 kum ah Pastor Tluang Hmung le a fa le lunghnemtu le innchungkhar kilven tu dingah Pi Sung Cia (BaZa nu) cu a thit. Pi Sung Cia he fapa pa (5) le fanu (2) Pathian thluachuah an hmuh hna i a taang lei hna hi an si:

(1)   Evan Baza  (Leader, L.A.B.C Revival Group)

(2)   U Ka Leb ( Late soldier)

(3)   U Co Kung ( Farmer, Fanthen)

(4)   Boi Uk Thang ( Late)

(5)   Rev. Pa Hrang Hmung (GS: UMCBA (Upper Myanmar Chin Baptist Association)

(6)   Daw Ngun Duai ( Mrs. Lian Mang)

(7)   Daw Hniang Par ( Mrs. Pa Kung) ( Rev. Tluang Hmung a thih hnu ah a chuak mi a si caah Hniangpar an ti.

Cu ticun pi Sung Cia a thit hnuah Pastor Tluang Hmung innchungkhar cu anuammi, aa dawhmi  innchungkhar tling an si than i, an nuva in Pathian rian cu lungtho ngai in an tuan. Lawki mi he buainak zong a dai hlei lo nain Khrifa inndawng an karh chin lengmang.

2. Lilly pa: Lautu ram le Mara tlangah thawngttha ka chim lai a rak ti lio i, Siangbawipa nih Bible cauk le sobul a rak pek tiah"Lautu ram le Mara tlang Pastor hmasa bik" timi tlangtar ah kan hmuh. Siangbawipa nih sobul a rak pekmi hi zei caah dah a si hnga? Zei bantuk sullam dah a ngeih hnga?

2. VCT: Kan Baibal chungah thlarau leiin hmelchunhnak i hmanmi hna; thir, dar, min le hmunhma, a zawng(color) etc.. phunphun le tahchunhnak i hmanmi tuanbia hna tampi an um cu kan theih cio mi a si. Cu hna cu an min le an phun(type) cio hoih in thlarau leiin sullam (spiritual meaning) an ngei cio. Nunnak changreu(John6:36), Nunnak ti, Lam, Biatak (John 14:6), Nunnak le Tukhaltha (John10:11) etc.. hna hi kan bawipa Jesuh hmelhchunhnak an si.

          Cu bantuk in Pathian bia hmelchunhnak thil hna cu Meiin le ceunak (119:105), Mei, Sobul (Jer 23:29), Thlaici (1Peter 1:23) le Thlaalang (Jame: 1:22-25), Rawl (Matt 4:4; ICor 3:1,2) etc.. hna an si ve. Sobul hi tahchunhnak tuanbia siloin Pathian bia hmelchunhnak pakhat a si.

Sobul sullam: 

Sobul (Hammer) ti mi hi Gk holh in ra mi si i, a sullam cu Tuk, Den or fung in tuk ti nak khi si i, thazang le thawnnak a ngeimi tinak asi. Cun a dih tiangin tuah, thil har kha a liim hlan lo a tuah peng ti mi sullam zong a ngei.

Fianhternak: Sobul cu Pathian bia hmelchunhnak pakhat asi bantuk in Siangbawipa Rev. Chester Strait nih kan pa Tluang Hmung Sobul a rak peknak aruang cu:

Rammui ah Pathian thawngtha na auh pi tikah harnak, sifahnak le sersatnak phun zakip na ton ko lai, Sihmanhsehlaw na sinah a rawk kho lomi le a thawngmi Pathian bia (Sobul) hi na hriamnam thabik a si zungzal lai i na rian na liim tiang tuankhawhnak inkhawhnak le teikhawhnak thazang, thawnnak an pek tu zong a si lai ti hmelhchunnak caah a si. Cu kan Pa Tluang Hmung nih a hmanmi Sobul (Pathian bia) nihcun lungbantuk in a haakmi Lawki (Laiphung) mi hna thinlung kha a cheu hna i, Krih ah nunnak thar an hung ngeih ve hna i nihin ah Lautu ram ah ceunak (Rev. Tluang Hmung thlaici a rak thlah mi theipar) kan hmuh nak zong hi a si.

• Jeremiah 23:29 Ka bia cu mei bantuk in kangh hmang a si lo mei? Lungpi a cheutu sobul bantuk a si lo mei?
• Heb 4:12a Pathian bia cu a  nung i a thawng. Kap hnih har vainam nakin a haar deuh.
• Matt 24:35 ah Jesuh nih a chim mi cu Van le Vawlei cu an rawk ko lai; sihmanhsehlaw ka bia cu zeitikhmanh ah a rawk lai lo tiah a ti.

Kan fianh kho hnga dek maw….

Upatnak he,

Van Cin Thang

Mirum pa nih a fapa khuate ah atlawng pi

Voikhat cu, a rum ngaimi innchungkhar khat nih khuate ah phan bal lomi an fapa te kha khuate i an khuasak ning (living standard) hna (zeitluk in an niam, an sifak) kha hmuh/hngalh ve seh tiah.. khuate ah khual an tlawngpi ti si. Cu khuate i an khuasaktintuk ning hna, inn le lo rian an tuanning hna hngalhnak ah tiah ni tlawmpal an cam ta hnuah an umnak khuapi ahcun an chungkhar rualin an rak kir than.

An hung kir leiah a pa nih a fa te cu “Kan khualtlawnnak cu zeitin?” tiah a vun hal. A fapa te nih “ a nuam tuk, ka pa” tiah a t hei leh. Apa nih aathawh i, kha si kun ahcun, kan khualtlawnnak in zeibantuk hmuhhngalhnak dah  naa chap, zeidah an cawnpiak? tiah a pa nih a hal than.

Afapa te nih a leh mi cu: “Kanmah cu uico pakhat te lawng kan ngei i, an nih cu panga an ngei. Kanmah cu tilio nak tili (swimming pool) kan dum laifang tiang a saumi pakhat kan ngei, an anmah cu a dongh kho lomi tiva te an ngei. Kanmah cu zan ah kan dum chungah meiinn kan bunh i, an nih cu arfi hna tampi an ngei. Kanmah cu innkulh chung i tual tawite lawng kan ngei, an mah cu vankil tiang a phanmi tual an ngei. 

Cun kanmah cu umnak inn hmunhma bi te lawng kan ngei, anmah cu nelrawn kaupi khi.. kan mit a donghnak tiang kaumi an ngei. Kanmah cu innrian tuantu sal kan i ngeih hna nain an nih cu midang kha an tuanpiak hna. Kan nih cu rawl kan i cawk an nih cu an dum le lo chungah rawk hau loin an ngei cia dih. Kannih cu humhimnak caah innkulh vanpang kan ngei, an nih cu huhphengtu caah hawi le hna an ngei” tiah a ti i, a pa cu a cal aa kheuh i chim awk hngalh loin a um ti si………Cun a fapa te nih a ti chih rih mi cu “Ka pa, zeitluk in kan sifak ti na ka hngalhter caah ka lawm”. a ti si. A dongh.

Hi tuanbia te nihhin zeidah an cawnpiak ve hnga?????? hei tuak ve ko khah !!

Sweden Chin mi a voikhat kan tonnak

Sweden Chin mi a voikhat kan tonnak

Laimi nih Sweden ram ah  kan phan hi 2006 hrawng ah bia tak te kan rak phan. Milu 300 hlei kan um. Kan umnak te ai dang cio tikah pakhat le pakhat i hmuh tonnak a har ngai. Cu caah Stephen nih emial in biaruahnak yahoogroups a kan tuah piak i cu ti cu thawng kan rak i thanh ton hna.  2008 ah chin ram pam bawmhnak ca zong ah san a rak tlai ngai. Cun Chin mi pawl tonnak um sehlaw aṭha tiah  email group ah ceh le tial a si i, Sweden chinmi tonnak tuah ding cu kan hna arak thla cio.


2009 July 10-12 ah a voikhatnak  Chinmi tonnak 

2009 July 10-12 ah a voikhatnak  Chinmi tonnak cu Sweden rawm alaicer a si mi Ljusdal khua ah kan rak tuah i mi zong kan tling ngai ngai. Cu lio cu Sweden um mi lai mi hi milu 200 hlei hrawng kan si. Dr. Lian Hmung Sakhong le an nu Pi Run Pen  Sakhong nih an kan tel pi kho. Ruahnak ttha, thazang an kan pek long siloin thla ni 11 zanriah dumttinak zong an kan tuah piak chih. An  mah chungkhar cung ah Sweden um Chinmi hna nih lunglomhnak chim cawk  lo kan ngei.

Pathian Thangtthatnak

 Tutan i hmuhtonnak ah hin thlarau tirawl i hrawm ttinak (Pathian thangtthatnak) voithum kan ngei kho. July 10 zan voikhat, kan Pa Pu  Lian Do nih thawngttha a kan chim. July 12 zing pumhnak, Kan Pa Dr.  Lian Hmung Sakhong nih thawngttha a kan chim. July 12 zan pumhnak, kan pa Rev. Chan Peng Thang nih thawngttha a kan chim. Pathian kan thawngtthat nak zong ah kan i lunghmui ngaingai.

   

Celhzuamnak 

Celhzuanak ah Football le hrihnuh pahnih lawng hi kan tuah khawh rih. Ni hnih chung football chuihnak kan ngei.  Achuih mi hi team 4 kan kan si. Luleå, Ljusdal, Bersjö le Västragötaland kan si.   Hrihnuh hi team 5 kan si i Football he hrihnuh he Västra-götaland nih pakhatnak kan lak. Laksawng ah phaisa in kan rak tuah. A voikhatnak kan ton cu si kaw kan nih nuam ngai. 

Västragötaland pawl

 

Suisui, Iang Iang, Dawtmi le Ṭha Ṭha

 

Van Lian nu le pa he.

 

 Celtual ah capo kan saih lio si

Zarpi nih cu mino pawl zong adang tein tonnak kan ngei ve i Dr. Lian Hmung Sakhong zong nih an kan tel pi khawh ve. Ruahnak ṭhaṭha zong a kan pek. 

                                                         Sweden chin mino pawl