Hlei (elevator)

Pakhat nu cu (distress signal ) timi harnak ton tikah auh mi phone kha a hmeh than hawi.  Voi zeizat hrawng dah atu nai te hrawng ah khan distress signal a hmeh ti a thei ti lo, nain awthleng dah  ti lo cu zeihman a thei mi um ti lo mah inn lawng pi chung ah cun. Zei caan dah hlei ah ka thut cang ti kha a thei hawi ti lo, chun maw zan?

Christmas lio ah a fanu sinah sui suimilam hmuh, nain suimilam cu a rawk sual lai ti aphang caah riantuannak ah kal ai timh i riantuannak angki aa thleng ah hin suimilam cu aa phoi tah tawn. Riantuannakin a tin lai ah hin innlutnak cung ah suimilam nganpi cu a zoh ta ton i zanlei sang 6 ati dengmang ton.

Kumthum chung thianghlimnak rian a tuannak  mah zung cu acung he atang he zanlei sang fatin in voitampi a kai tonnak hlei a si. Zeitin hman ah a dir bal lo mi hlei a si. Voikhat hman ah a rawk bal lo mi a si.

Zei ruang ah dah mah ti hin a um hngak tuzan lei hi? Ninga zanlei cu amah lawng in innngan pi chung ah cun a um, aho hman nih ka bawmh uh tiah a uahnak le hlei innka acawm mi cu an thei lo. A tih deuh cang zei ca tikah cun amah le a mah kha hlei innka thlalang ah ahmuh caah a si. Ahmai ai dang i a mit khi anak ngai mi a lawh cang.  Amah le mah kha  zei tluk in dah alungthin ather le alu ah athi dawh kha aa thei.  Amah le mah kha athaw chuak a dai ding in ai hnek len, zei ca tikah cun alaunak caan kha a sau tuk cang.  Hlei ah cun caan sau thut a hau rih,  zeicahtiah cun apawtap he ati hal he a si. Ti din awk le rawl ei awk cu innthinhlimnak tunghlei chung ah cun kawl ai timh. Asinain baltin pakhat ah ti, thinhlimnak caah hman ding mi chapia le thil tawl tikah kut hrawl mi, hmunphianak  le innthaihnak lawng a hmuh.

Zeican tiang dah ti lo rawl lo in a um?  Asainginn a hlan ah sianginn a rak kai tonnak ah  zar tampi rawl lo in a rak um khawhnak kha  a ruah i amah le a mah ai hnem i, taingki chung ta ti  lawng pei ka rak din ko kha a ti.

Ariantuannak uniforms lawng a si caah a khuasik cu a ther in ther cang. Zeltuang ah cun  a thut i khua a ruah. Chuakni lawmhnak ka tuah lai i zei bantuk mi dah ka sawmh lai i zei rawl dah ka chuan lai ti kha a tuah.  Aba tuk cang i anguh pah.  Avung i thang ah cun cacawn nikhat zing suimilam 9:30, mizawt putnak mawtaw chung ah sizung lei an kalpi lio asi.

You Might Also Like :