Tuanbia toite

Chunkhar pakhat an um i an pa cu zarkhat ah nihnih rawlulh in thla a cam ton mi si. Nikhat cu rawlulh thlacamnak ah akal ti si. A nupi nih a rak tin tikah rawl ei ding cu a chuanpiak hna. Fapa dawh te pahnih an ngei i lente an nih celh lio ah ruahlo piin an thih ti si. A nu cu a ngei chia tuk i ka va pa a ra tikah a ngei chia tuk lai ti a ruah.

Afa le pahnih cu innkhan chung ah a chia i puan in khuh hna. Ava pa cu inn arak tin ah hin afa le pahnih an celh kha ahmuh ton hna i, nihin cu a fa le an celh kha a hmuh ti lo i a nupi cu a hal hna. Ka fa le pahnih ta tiah a hal cawlh. Rak ra ko an um ko, nangmah he ahlat tuknak ah an um lo nangmah he aa nai tein an um ko rawl hi ei ko a ti i rawl cu aser piak i a ei ter hna. Raw lei lio ah cun a lungthin kha phundang in a um i arawl ei athawh khawh lo. A nupi cu ahal than ka fa le pahnih ta tiah a hal than hawi. An um ko nangmah he lamhlat pi an um lo nai tein an um ko e rawl hi ei ta ko a ti. A fale a hmuh lo tikah a rawl ei a thawh ti lo ka fa lei khoi ka an um ka chim ko a ti than.

A nu pi nih a si ah cun bia pakhat kan hal tuah lai hlanlio deuh ah khan mi pakhat ka sin a ra i thilman sunglawi tuk mi thil a ka pek i mah thil hi ka ken piak chung a ka ti i keimah nih tha tein ka ken piak ko. Nangmah thlacam na kal lio kha mah mipa cu a ra than i thil ka ken piak chung mi cu a ka hal than i mah cu ka pek lai maw a ti? Ava pa nih cu a.a.a na pek lai lo cu a ngei tu nih an hal than ah cun na pek lai ta a ti. A ngei tu pa cung ah maw na thinhung a ti. Asi lo kan hal sawh bia a si ko a si ah cun akhan chung ah ra tuah a ti i akhan ah cun a lut pi hna.

Puan in akhuh mi cu a on piak hna a fa le pahnih cu an si. Angeichia tuk i a tap nangmah nih pei na chim ko kha a ngei tu nih an hal ah cun na pek lai na ti ko kha ta a ti.

Zeizong vialte hna Pathian nih a ngei ko ti hi kan ka nih chim cu a fawi tuk hrinhran ko mu. Atak in kan tuah ahau. Nain micheu nih cu thilngan tuk mi in tuah hmasah kan duh. Thilngan tuk mi in tuah hmasah hlah. Thilhme tein thawh hna. Pathian nih hin adotdot in tuah ter an kan duh.

Deuteronomi10: 14Zohhmanh, a sang bik van hna le, vawlei le a chungah a ummi thil vialte hi, Bawipa na Pathian ta an si dih;

Luke 6:10 Thil hmete ah zumhawktlak a simi cu thil ngan zongah zumhawktlak an si tawn, thil hmete ah a hrokhrawlmi cu thil ngan zongah an hrokhrawl tawn.

You Might Also Like :