Advent

Nihin cu November 26 a si i November thla cu a dih dengmang cang. Arauh hlan ah X´mas cu kan phan cang lai. X´mas cu kan thei cio bang in Khrifa pawl nih kan ni ngai cem mi Jesuh chuak ni pawi sunglawi tuah a si.

A tu kan nih Sweden ah cun zarli chung X´mas hmai ah auh mi cu Advent ti a si. Advent cu November a hnung bik aa thawh a si lo ah cun December hramthawk si. Advent cu zarpi zarli X´mas hmai te ah khi a si. Tu kum cu a voikhatnak zar cu November 28 a si. Avoikhatnak zar ah hin mi tampi biakinn ah an kal ton i Phazawngdaing an van, baible ca an rel, Christmas Concert hna an tuah.

Advent zar thawh hin cu tuan tein
a mui cang i cu caah mi tam deuh nih cun an inn ah phazawngdaing a nih van cang hna. Zarli si caah zarkhat in pakhat in advent caah an van hna.

Inn, sianginn, sizung le riantuannak hmun zong ah hin electric phazawngdaing an thlalang awng ah an van cio hna. Mi cheuh cu electric arfi te hna zong an van hna.

Hngakchia caah Advent calendar doors an tuah piak. Mah kha kha nifatin tein an on ter hna i december thla 24 christmas tiang. An nih Sweden pawl cu 24 hi X´mas an tuah. Chungkhar tein an thut `i hna.

Acan ah cun mutthai si lo ah cun hngakchia lentecelhnak ah Advent calendar an tuah. December thla ah hin TV le radio in Advent calendar program an tuah. Advent calendar Sweden aratnak hi Germany in 1932 in a ra hmasah ti si.

Mi tampi nih an inn an thiang ter hna i dawh tein an `amh cio hna. Special pangpar an ti mi a sen i a hmui ngai mi phun hi an cawk i an `amh hna.

Thlalangawng, innka, cabawi khu le coka pawl kha puanzar thar a sen mi zawng an thlai hna. Innka lenglei in pangpar kual , pangpar lukhimh kha an bat hna. Kan mah lei inn hmai ah far kung kan bunh phun khi a si ko.

Advent le X´mas caah special in kekhmuk le changreu rawl an tuah hna. Cu pawl cu aithing paihmi changreu le Saffron buns an ti mi si. An ding mi cu raite hang le thanthling cawhmi si lo ah cun mitsur thei a car mi a si.

Carel tu nan zapi cu ah lamhnak tampi ka ngei.


HD

You Might Also Like :